ছৌদি আৰৱে ২০২৬ চনৰ হজ তীৰ্থযাত্ৰাৰ (Hajj Yatra) বাবে নতুন চৰকাৰী নিৰ্দেশনা মুকলি কৰিছে। হজ তীৰ্থযাত্ৰাৰ পবিত্ৰতা ৰক্ষা কৰিবলৈ আৰু ভিৰ নিয়ন্ত্ৰণ কৰিবলৈ কেইবাটাও নতুন নিষেধাজ্ঞা আৰোপ কৰা হৈছে।
ছৌদি আৰৱৰ হজ আৰু ওমৰাহ মন্ত্ৰালয়ে কৈছে যে মক্কাৰ মছজিদ আল-হাৰাম আৰু মদিনাৰ মছজিদ আল-নবাৱীত কোনো ফটো বা ভিডিঅ’ ল’বলৈ অনুমতি দিয়া নহ’ব।
নিৰ্দেশনা অনুসৰি, যিসকলে লটাৰীৰ জৰিয়তে হজ ২০২৬ত অংশগ্ৰহণ কৰাৰ সুযোগ পাব তেওঁলোকৰ বাবে এই নিয়ম মনা বাধ্যতামূলক। চৰকাৰে এক নিৰ্দেশনাত কয়, “পৱিত্ৰ স্থানসমূহৰ মৰ্যাদা ৰক্ষা কৰিবলৈ আৰু তীৰ্থযাত্ৰীসকলৰ অনুভূতিক সন্মান জনাবলৈ দুয়োটা পবিত্ৰ মছজিদৰ ফটোগ্ৰাফী সম্পূৰ্ণৰূপে নিষিদ্ধ কৰা হ’ব।
ছৌদি চৰকাৰৰ এটা সূত্ৰই জনোৱা মতে, যোৱা কেইবছৰমানত, হজ তীৰ্থযাত্ৰীসকলৰ একাংশৰ মাজত মোবাইল ফোনত ফটো আৰু ভিডিঅ’ তোলাৰ প্ৰৱণতা বৃদ্ধি পাইছে। ফলস্বৰূপে, ধৰ্মীয় ৰীতি-নীতি পালন কৰা আৰু ভিৰ নিয়ন্ত্ৰণ কৰাত সমস্যা হয়।
