প্ৰতিবছৰৰ দৰে এইবছৰো কাৰ্বি সাংস্কৃতিক প্ৰকল্প তাৰালাংচৰ বাকৰিত দিনজোৰা বৰ্ণাঢ্য কাৰ্যসূচীৰে উদযাপন কৰা হয় ৭৪ সংখ্যক কাৰ্বি আংলং দিৱস ৷ ১৯৫২ চনৰ ১৭ নৱেম্বৰত গঠন হৈছিল বৰ্তমানৰ কাৰ্বি আংলং আৰু তদানীন্তন সংযুক্ত মিকিৰ পাহাৰ জিলা ৷ এইলৈ সোমবাৰে পুৱা ৮ বজাত পতাকা উত্তোলন কৰি কাৰ্বি আংলং জিলা দিৱসৰ কাৰ্যসূচীৰ শুভাৰম্ভ কৰে কাৰ্বি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙে ৷
ক্ৰমে, জিলা গঠন প্ৰক্ৰিয়াত অৰিহণা যোগোৱা বৰেণ্য ব্যক্তি সকলৰ প্ৰাতিকৃতিত জন প্ৰতিনিধিৰ লগতে বিভিন্ন জাতি জনগোষ্ঠীৰ লোকে পুষ্পাঞ্জলী আৰু মাল্যাৰপণেৰ গভীৰ শ্ৰদ্ধাঞ্জলি নিবেদন কৰে৷ ইয়াৰ পাছত দিনৰ প্ৰায় ১২ মান বজাত তাৰালাংচৰ চেৰতালিন প্ৰেক্ষা গৃহত পৰিষদৰ অধ্যক্ষ ৰাজু তিচোৰ অধ্যক্ষতাত অনুষ্ঠিত মুকলি অধিৱেশন ৷ মুকলি অধিৱেশনখন কাৰ্বি আংলং সচিবালয়ৰ ষ্টাফে আৰম্ভনি গীত পৰিৱেশন কৰে ৷
আদৰণি ভাষণ প্ৰদান কৰে কাৰ্বি আংলং স্বায়ত্তশাসিত পৰিষদৰ প্ৰধান সচিব আইএএছ বিষয়া মুকুল কুমাৰ শইকীয়াই ৷ তদুপৰি কাৰ্বি পৰাম্পৰাগত সংগীত বিদ্যালয়ৰ ছাত্ৰ-ছাত্ৰী সকলে সুন্দৰ লোকনৃত্য প্ৰদৰ্শন কৰি দৰ্শকক আপ্লুত কৰে ৷ মুকলি অধিৱেশনত বিভিন্ন জাতি জনগোষ্ঠীৰ লোকে অংশ গ্ৰহণ কৰে ৷ মুকলি অধিৱেশনত কাৰ্বি ৰজা লংচিং ৰংহাঙ, পদ্মশ্ৰী ধনেশ্বৰ ইংতি ডঃ ধৰমচিং টেৰণ, ৰয় ইংহি, সাংসদ অমৰচিং তিচো, বিধায়ক সকল ক্ৰমে, বিদ্যাচিং ইংলেঙ, দৰচিং ৰংহাঙ, ৰূপচিং টেৰণ, জিলা আয়ুক্ত নিৰলা ফাংচপী, পৰিষদৰ সকলো ইএম এমএচি আৰু গণ্যমান্য ব্যক্তি সকল উপস্থিত থাকে ৷
কাৰ্বি আংলং দিৱস উপলক্ষে সাৰুৱা ভাষণ প্ৰদান কৰে মুখ্য কাৰ্যবাহী সদস্য তুলিৰাম ৰংহাঙ, ডঃ ধৰমচিং টেৰণ আৰু সাংসদ অমৰচিং তিচোৱে ৷ সাংবাদিকৰ সৈতে হোৱা বাৰ্তালাপত মুখ্য কাৰ্যবাহী সদস্য তুলিৰাম ৰংহাঙে কাৰ্বি আংলং জিলা গঠন প্ৰক্ৰিয়াত অৰিহণা যোগোৱা প্ৰয়াত নেতা সকলক শ্ৰদ্ধাৰে সোঁৱৰে ৷ তদুপৰি জিলা গঠনৰ পূৰ্বে তদানীন্তন গোপীনাথ বৰদলৈৰ ওচৰত জিলাখনৰ বিভিন্ন জাতি-জনগোষ্ঠীৰ নেতা সকলে প্ৰদান কৰা স্মাৰক পত্ৰৰ সন্মান জনাই উক্ত বিষয়ত ১৯৫১ চনত গোপীনাথ বৰদলৈৰ অনুমোদন কৰে ১৯৫২ চনৰ ১৭ নৱেম্বৰত সংযুক্ত মিকিৰ পাহাৰ জিলা আৰু বৰ্তমানৰ কাৰ্বি আংলং জিলা গঠন হৈছিল বুলি কয় ৰংহাঙে ৷নিশাৰ ভাগত বৰ্ণাঢ্য সাংস্কৃৃৃৃ কাৰ্যসূচীৰে কাৰ্বি আংলং জিলা দিৱসৰ সফল সামৰণি পৰে ৷
