চৰকাৰী চিকিৎসা মহাবিদ্যালয়ত পঢ়ুওৱাৰ বাবে চিকিৎসকৰ (Govt Doctors) বাবে নতুন নিয়ম প্ৰৱৰ্তন কৰিছে ৰাষ্ট্ৰীয় চিকিৎসা আয়োগে। এইবাৰ আৰু আঙুলিৰ চাপ (বায়’মেট্ৰিক) দি চিকিৎসকক উপস্থিত থাকিবলৈ দিয়া নহ’ব।
তাৰ পৰিৱৰ্তে আধাৰৰ ভিত্তিত এক নিৰ্দিষ্ট মোবাইল এপৰ জৰিয়তে উপস্থিত থাকিব লাগিব। এই এপটোৱে তেওঁলোকৰ মুখৰ ওপৰত ভিত্তি কৰি উপস্থিতিৰ অনুমতি দিব। ইয়াৰ পূৰ্বে চৰকাৰী চিকিৎসালয়ত চিকিৎসকে উপস্থিত থাকিবলগীয়া নিয়ম ১ অক্টোবৰৰ পৰা বাতিল কৰা হৈছে।
ইয়াৰ পূৰ্বে চিকিৎসকে ‘ফেচিয়েল কিউ আৰ’ ক’ডৰ ভিত্তিত চৰকাৰী চিকিৎসালয়ত উপস্থিত হৈছিল। আগতে চিকিৎসকে আঙুলিৰ চাপৰ (বায়’মেট্ৰিক) জৰিয়তে উপস্থিত আছিল। যোৱা এপ্ৰিল মাহত এন এম চিয়ে ‘ফেচ বেছড আধাৰ অথেনটিকেশ্যন এপ’ৰ জৰিয়তে উপস্থিতিৰ নতুন নিয়ম ঘোষণা কৰে।
সেই নিয়ম ১ মে’ৰ পৰা দেশৰ চৰকাৰী চিকিৎসালয়সমূহত প্ৰৱৰ্তন কৰা হয়। ২৬ ছেপ্টেম্বৰত এন এম চিয়ে এক অধিসূচনা জাৰি কৰিছিল যে ১ অক্টোবৰৰ পৰা দেশৰ চৰকাৰী চিকিৎসালয়ত উপস্থিত থকাৰ ক্ষেত্ৰত পুৰণি নিয়ম আৰু প্ৰযোজ্য নহ’ব। নতুন নিয়মৰ অধীনত চিকিৎসকসকলে উপস্থিত থাকিব লাগিব।
উল্লেখযোগ্য যে চৰকাৰী চিকিৎসালয়ত একাংশ চিকিৎসকৰ উপস্থিতিক লৈ অভিযোগ উত্থাপন হৈছিল। একাংশ ৰোগীয়ে চৰকাৰী চিকিৎসালয়ত ৰোগীক চোৱাৰ পৰিৱৰ্তে ব্যক্তিগত চেম্বাৰত চিকিৎসা কৰা বুলি অভিযোগ উত্থাপন কৰে। চিকিৎসকৰ উপস্থিতিত অনিয়মৰ অভিযোগো উত্থাপন হৈছে।
এইবাৰ এন এম চিয়ে সলনি কৰিলে উপস্থিতিৰ নিয়ম। চিকিৎসক আৰু কৰ্মচাৰীৰ সুবিধাৰ প্ৰতি লক্ষ্য ৰাখি এই সিদ্ধান্ত লোৱা হৈছে বুলি জানিবলৈ দিয়ে। এন এম চিয়ে পূৰ্বে চিকিৎসালয়ৰ দেৱালত স্থাপন কৰা কিউ আৰ ক’ড স্কেনিং প্ৰযুক্তি আঁতৰোৱাৰ নিৰ্দেশ দিছে।
