লোক আদালতৰ জৰিয়তে জিলা আইন সেৱা প্ৰাধিকৰণে নিষ্পত্তি কৰিলে ১৪ টা গোছৰ

ASSAM TIMES POST
ডিফুঃ সমগ্ৰ দেশৰ লগত সংগতি ৰাখি কাৰবি আংলং জিলা আইন সেৱা প্ৰাধিকৰণ কৰ্তৃপক্ষৰ উদ্যোগত ডিফু ন্যায়িক আদালত চৌহদত লোক আদালতৰ জৰিয়তে শণিবাৰে একাধিক গোছৰৰ নিষ্পত্তি কৰা হয়৷

লোক আদালতৰ জৰিয়তে মুঠ ৬৫০ টা প্ৰাক ফৌজদাৰী গোছৰ, ৯৪ টা অপৰাধ মুলক গোছৰ আৰু অনান্য অসামৰিক আৰু এমএএচিটি গোছৰ নিষ্পত্তিৰ বাবে গ্ৰহণ কৰা হৈছে ৷ লোক আদালতত বেংক অব ইণ্ডিয়া, অসম গ্ৰামীণ বিকাশ বেংক, এপিডিচিএল, বিএছএনএলৰ বিষয়া- কৰ্মী আৰু সকলো শ্ৰেণীৰ লোকৰ লগতে অধিবক্তা সকলেও লোক আদালতত অংশ গ্ৰহণ কৰে৷

উক্ত লোক আদালতৰ জৰিয়তে ১৪ টা গোছৰ নিষ্পত্তি কৰা হয়৷ জিলা আইন সেৱাৰ জৰিয়তে গ্ৰহণ কৰা এনে লোক আদালতে সমাজৰ দূৰ্বল আৰু আৱশ্যক সন্ধানী সকল উপকৃত হৈছে বুলি সচেতন মহলে চৰ্চা কৰিছে ৷উল্লেখ যোগ্য যে, ২০১৮ চনৰ ৬ জুনত জিলা আইন সেৱা প্ৰাধিকৰণ কৰ্তৃপক্ষ গঠন কৰা হৈছিল ৷ চৰকাৰে ডিএলএছএৰ সম্পাদকৰ পদ ২০১৯ বৰ্ষৰ ১৯ আগষ্টত সৃষ্টি কৰিছিল৷ সেই অনুসৰি ২০২০ বৰ্ষৰ ৩০ জানুৱাৰীত প্ৰথম বাৰৰ বাবে এন আহমেদে সম্পাদক হিছাপে যোগদান কৰে৷