কাৰ্বি আংলং জিলাৰ মাঞ্জাত এক নৃশংস হত্যাকাণ্ডই (Brutal Murder) সমগ্ৰ মাঞ্জা অঞ্চলত তীব্ৰ চাঞ্চল্যই বিৰাজ কৰিছে ৷ দেওবাৰে পুৱা ১০ মান বজাত হত্যাকাণ্ডত জড়িত লোকজনক বিচাৰি যমুনা নদীত এছডিআৰএফ বাহিনীয়ে চলাইছে অভিযান ৷
প্ৰাপ্ত খবৰ অনুসৰি মাঞ্জা থানাৰ নিচেই কাষৰ কুকি কলনিত ভাড়াটীয়া হিছাপে থকা নেহকান জামহাও(৫৯)ক দুৰ্বৃত্তই দাৰে ঘপিয়াই কাষতে থকা যমুনা নৈত পেলাই দিয়া বুলি সন্দেহ প্ৰকাশ কৰিছে আৰক্ষীয়ে ৷ ঘটনাস্থলীত আৰক্ষীৰ উচ্চ পদস্থ বিষয়া ফৰেনচিক আৰু চিআইডিৰ দল উপস্থিতহৈ ঘটনাৰ তদন্ত আৰম্ভ কৰিছে ৷
পুৱাৰে পৰাই হোজাই আৰু ডিফুৰ এছডিআৰ এফ বাহিনীয়ে লোকজনক বিচাৰি যমুনা নৈত সন্ধান চলাই ৷ বাতৰি লিখা পৰলৈকে লোক জনক উদ্ধাৰ কৰিব পৰা হোৱা নাই ৷ এই সন্দৰ্ভত আৰক্ষীয়ে ৫ জন লোকক আটক কৰি জেৰা অব্যাহত ৰাখিছে বুলি জানিব পৰা গৈছে ৷
