ভাৰতীয় সেনাক বিশ্বৰ চতুৰ্থ শক্তিশালী সেনা বুলি গণ্য কৰা হয়। পাকিস্তানৰ বিৰুদ্ধে অপাৰেচন সিন্দুৰৰ পিছত ভাৰতীয় সেনাৰ সামৰ্থ্য সমগ্ৰ বিশ্বতে প্ৰমাণিত হৈছে। আপুনি জানেনে যে ভাৰতত এটা অতি বিপজ্জনক সামৰিক ঘাটি আছে। সেই ঘাটিটোক সুৰক্ষিত কৰিবলৈ সেনা জোৱানসকলে কঠিন পৰিস্থিতিৰ সন্মুখীন হ’বলগীয়া হয়।
চিয়াচেন হিমবাহত (Siachen Glacier) অৱস্থিত চিয়াচেন সামৰিক ঘাটিক ভাৰতৰ আটাইতকৈ বিপজ্জনক সামৰিক ঘাটি বুলি গণ্য কৰা হয়। ই সমুদ্ৰপৃষ্ঠৰ পৰা ২১ হাজাৰ ফুট উচ্চতাত অৱস্থিত। ইয়াৰ কাৰণে ই বিশ্বৰ ভিতৰতে আটাইতকৈ বিপজ্জনক আৰু সৰ্বোচ্চ সামৰিক ঘাটি। ইয়াত উপস্থিত থকা জোৱানসকলে প্ৰতিকূল পৰিস্থিতিৰ সন্মুখীন হ’বলগীয়া হয়।
ইমান উচ্চতাত অৱস্থিত হোৱাৰ বাবে সেনা জোৱানসকলে অক্সিজেনৰ অভাৱৰো সন্মুখীন হ’বলগীয়া হয়। ইয়াত উষ্ণতা মাইনাছ ৫০ ডিগ্ৰী চেলছিয়াছলৈ নামি যায়। লগতে তেওঁলোকে সদায় প্ৰচণ্ড বৰফৰ সন্মুখীন হ’বলগীয়া হয়।
সমুদ্ৰপৃষ্ঠৰ পৰা ১২ হাজাৰ ফুট উচ্চতাত অৱস্থিত পাৰ্টাপুৰৰ চিয়াচেন বেছ কেম্প ভাৰতীয় সেনাৰ চতুৰ্দশ কৰ্পছৰ ১০২ ব্ৰিগেডৰ (চিয়াচেন ব্ৰিগেড) এটা বেচ কেম্প, যিয়ে বিবাদিত অঞ্চলত কমেও ১০৮টা ফৰৱাৰ্ড মিলিটাৰী আউটপোষ্ট আৰু আৰ্টিলাৰী পৰ্যবেক্ষণ চকী থকা ১১০ কিলোমিটাৰ দৈৰ্ঘ্যৰ প্ৰকৃত গ্ৰাউণ্ড পজিচন লাইনক (এ জি পি এল) পহৰা দিয়ে। ভাৰতৰ কেন্দ্ৰীয়শাসিত অঞ্চল লাডাখৰ চিয়াচেন হিমবাহৰ অঞ্চল।
উচ্চতাৰ বাবে ইয়াৰ জলবায়ু অত্যন্ত ঠাণ্ডা।
অক্সিজেনৰ অভাৱত শ্বাস-প্ৰশ্বাসজনিত সমস্যা হয়। চিয়াচেনত সঘনাই বৰফৰ ধুমুহা হয়, যিটো সৈনিকৰ বাবে অতি বিপজ্জনক। ইয়াত নিৰাপত্তাজনিত ভাবুকিৰ সৈতে মোকাবিলা কৰিবলৈ জোৱানসকল অতি সজাগ হৈ থাকিব লাগে।
