শুকুৰবাৰে বিয়লি প্ৰায় তিনিমান বজাত হঠাতে অহা এজাক প্ৰচণ্ড ধুমুহা বৰষুণৰ ফলত ডিফু মাঞ্জা পথৰ ৯ মাইল অঞ্চলৰ বিস্তৰ ক্ষতি সাধন হয় বুলি জানিব পৰা গৈছে ৷ প্ৰাপ্ত খবৰ অনুসৰি তীব্ৰ বেগে অহা ধুমুহাৰ ফলত ডিফু মাঞ্জা পথৰ কেইবা ঠাইতো প্ৰকাণ্ড প্ৰকাণ্ড গছ পথৰ ওপৰত বাগৰি পৰাৰ ফলত দীৰ্ঘ সময়লৈকে যাতায়ত তথা বিদ্যুৎ সেৱা ব্যাহত হৈ পৰে ৷
ইয়াৰোপৰি মাঞ্জা ৯ মাইল এজন লোকৰ ঘৰৰো ধুমুহা বৰষুণত বিস্তৰ ক্ষতি সাধন হয় ৷ফলত মূল পথটোৰ দুয়োকাষে শ শ গাড়ী দীৰ্ঘ সময়ৰ বাবে আৱদ্ধ হৈ পৰে ৷ পিছত মধ্য সংমণ্ডলৰ লোক ঘটনা স্থলীত উপস্থিত হৈ মাঞ্জা আৰক্ষীৰ সহযোগত এটা জেচিবি আৰু ফকলেনেৰে গছ জোপা ৰাস্তাৰ পৰা আঁতৰাই দিয়াত যান-বাহনৰ চলাচল স্বাভাৱিক হয় ৷
