গোলাঘাট জিলাৰ দণ্ডাধীশৰ নিৰ্দেশ । দেশৰ বৰ্তমান পৰিস্থিতিৰ পৰিপ্ৰেক্ষিতত জিলাখনত ১০ মে’ৰ পৰা অনুষ্ঠিত হ’ব লগীয়া সকলো সাংস্কৃতিক কাৰ্যসূচীৰ অনুমতি প্ৰত্যাহাৰ:

বর্তমানৰ সামগ্রিক পৰিস্থিতি আৰু জনসাধাৰণৰ সুৰক্ষা নিশ্চিত কৰাৰ প্ৰতি লক্ষ্য ৰাখি গোলাঘাট জিলাৰ জিলা দণ্ডাধীশ পুলক মহন্তই এক নিৰ্দেশ যোগে তাৎক্ষণিকভাৱে বলৱৎ হোৱাকৈ ১০ মে’, ২০২৫ৰ পৰা জিলাখনৰ বিভিন্ন স্থানত অনুষ্ঠিত হ’বলগীয়া সাংস্কৃতিক অনুষ্ঠান তথা কাৰ্যসূচীৰ বাবে পূৰ্বতে প্ৰদান কৰা সকলোবোৰ অনুমতি প্ৰত্যাহাৰ কৰিছে।

তদুপৰি, এই আদেশ অনুসৰি ৯ মে’, ২০২৫ তাৰিখে অনুষ্ঠিত হ’ব লগীয়া সকলো সাংস্কৃতিক কাৰ্যসূচী বাধ্যতামূলকভাৱে নিশা ১০ বজাৰ ভিতৰত সমাপ্ত কৰিব লাগিব বুলি নিৰ্দেশ জাৰি কৰিছে।