পৰীক্ষাত শিক্ষাৰ্থীক বিশেষ সুবিধা প্ৰদানৰ উদ্দেশ্যে পৰীক্ষা কেন্দ্ৰ সলনি আৰু অসৎ উপায়েৰে সহায়ৰ অভিযোগত আটক হোৱা ইউ এছ টি এমৰ উপাচাৰ্য (Vice Chancellor of USTM) মহবুবুল হক (Mahbubul Haque) সন্দৰ্ভত ডাঙৰ বিস্ফোৰণ মুখ্যমন্ত্ৰী (Chief Minister’s big blast)ৰ।
মহবুবুল হকক আটক সন্দৰ্ভত (connection with the detention of Mohbubul Haque) সাংবাদিকৰ আগত প্ৰতিক্ৰিয়া প্ৰকাশ কৰি এই বিস্ফোৰণ ঘটায় মুখ্যমন্ত্ৰী ডঃ হিমন্ত বিশ্ব শৰ্মাই।
তেওঁ কয়, “আমি কিছুদিন ধৰি এটা বৃহৎ চক্রক নিৰীক্ষণ কৰি আছিলোঁ। চক্রটিয়ে মেডিকেল, ইঞ্জিনিয়াৰিঙৰ প্রৱেশ পৰীক্ষা আৰু চি বি এছ ই পৰীক্ষাৰ আগত শিক্ষার্থীসকলৰ চেণ্টাৰ সলনি কৰে আৰু কিছু নির্দিষ্ট স্কুললৈ লৈ যায়। এনে কৰাৰ আঁৰত তেওঁলোকৰ এক অনৈতিক ব্যৱস্থা লুকাই আছে। শিক্ষা ব্যৱস্থাত এনে অপকর্ম ৰুধিবলৈ আমি দায়বদ্ধ।”
তেওঁ লগতে কয়, “গোৱালপাৰা, নগাঁও আৰু কামৰূপ জিলাৰ ২৪৭ গৰাকী ছাত্ৰ-ছাত্ৰীক চি বি এছ চি পৰীক্ষাত ৩০ নম্বৰকৈ অধিক নম্বৰ দিয়াৰ প্ৰতিশ্ৰুতি দি এখেতসকলক বৰাক উপত্যকাৰ পাথাৰকান্দিলৈ লৈ যোৱা হয়। পিছত যেতিয়া তাতে সুবিধা নাপালে ল’ৰা-ছোৱালীখিনিয়ে হুলস্থুল কৰিলে। লাহে লাহে গোটেই চক্ৰটো পোহৰলৈ আহিছে। এইটো চি বি এছ চিতে সীমাবদ্ধ নাথাকি মেডিকেল প্ৰৱেশ পৰীক্ষাতো চলি থকা ডাঙৰ প্ৰবঞ্চনা এটা পোহৰলৈ আহিছে।”
আনহাতে, মহবুবুল হকক পুনৰ আক্ৰমণ কৰি তেওঁ কয়, “মই আগতেই কৈ আহিছোঁ যে এই মানুহজন বহুত ডাঙৰ প্ৰবঞ্চক হয়। আমাৰ অসমৰ কিছুমান বুদ্ধিজীৱীক তেওঁৰ অধীনলৈ লৈ আহি মানুহক বিপথে পৰিচালিত কৰাৰ প্ৰচেষ্টা ইমান দিনে চলাই আহিছিল।”
