হিংসাজৰ্জৰ মণিপুৰলৈ (Manipur Violence) কেন্দ্ৰীয় সশস্ত্ৰ আৰক্ষী বাহিনীৰ (CAPF) ৫,০০০তকৈ অধিক নিৰাপত্তা বাহিনীৰ ৫০ টা (50 of the security forces) অতিৰিক্ত কোম্পানী প্ৰেৰণৰ সিদ্ধান্ত (Decision to send additional companies) গ্ৰহণ কৰিছে কেন্দ্ৰীয় গৃহ মন্ত্ৰালয়ে (Home Ministry)। সোমবাৰে কেন্দ্ৰীয় গৃহমন্ত্ৰী অমিত শ্বাহে মণিপুৰৰ নিৰাপত্তা পৰিস্থিতি পৰ্যালোচনা কৰিবলৈ অনুষ্ঠিত কৰা এক গুৰুত্বপূৰ্ণ বৈঠকত অই সিদ্ধান্ত গ্ৰহণ কৰা হয়। আনমহাতে, মণিপুৰৰ ৰাজ্যখনৰ অস্থিৰ পৰিস্থিতিৰ অৱসানৰ বাবেও বৈঠকত বিশেষ ৰণনীতি প্ৰস্তুত কৰা হয়।
ৰাষ্ট্ৰীয় নিৰাপত্তা উপদেষ্টা অজিত ডোভাল, কেন্দ্ৰীয় গৃহ সচিব গোবিন্দ মোহন আৰু চোৰাংচোৱা ব্যুৰোৰ সঞ্চালক তপন ডেকাৰ লগতে গৃহ বিভাগৰ অন্যান্য শীৰ্ষ বিষয়াসকলৰ উপস্থিতিত গৃহমন্ত্ৰীয়ে এই বৈঠক অনুষ্ঠিত কৰে। ইয়াৰ বাবে অমিত শ্বাহে দেওবাৰে মহাৰাষ্ট্ৰত নিৰ্বাচনী ৰেলী বাতিল কৰে আৰু মণিপুৰৰ নিৰাপত্তা পৰিস্থিতিৰ বুজ লৈ ততাতৈয়াকৈ বৈঠকখনৰ আহ্বান জনায়।
উল্লেখ্য যে শনিবাৰে নিশা মুখ্যমন্ত্ৰী এন বীৰেন সিঙৰ পৈতৃক বাসগৃহত আক্ৰমণ কৰাৰ প্ৰতিবাদকাৰীৰ প্ৰচেষ্টা বিফল নিৰাপত্তাৰক্ষীয়ে কৰে যদিও ইম্ফল উপত্যকাত এজন জ্যেষ্ঠ মন্ত্ৰী, দুজন বিজেপি বিধায়ক আৰু এজন কংগ্ৰেছ বিধায়কৰ বাসগৃহত উন্মত্ত জনতাই অগ্নিসংযোগ কৰে।
ক্ষুব্ধ ৰাইজে নিংথৌখঙত গড়কাপ্টানী মন্ত্ৰী গোবিন্দস কন্থৌজাম, লংমেইডং বজাৰস্থিত হিয়াংলামৰ বিজেপি বিধায়ক ৱাই ৰাধেশ্যাম, থৌবাল জিলাৰ ৱাংজিং দোনাৰ বিজেপি বিধায়ক পাওনম ব্ৰজেন আৰু ইম্ফল পূব জিলাৰ খুন্দ্ৰাকপামৰ কংগ্ৰেছ বিধায়ক থ লোকেশ্বৰৰ ঘৰত অগ্নিসংযোগ কৰে।
