ৰাজ্যত (Assam) বৃদ্ধি পাব মন্ত্ৰী-বিধায়কসকলৰ দৰমহা (Salaries of ministers and MLAs to be increased)। দৰমহা কমিটিৰ প্ৰতিবেদনৰ ভিত্তিত ৰাজ্যৰ মন্ত্ৰী তথা বিধায়কসকলৰ দৰমহা আৰু ভাট্টা বৃদ্ধি (Increase in salary and allowances) ৫০ শতাংশ পর্যন্ত বৃদ্ধি (Up to 50 per cent increase) পাবলৈ আগবাঢ়িছে। উল্লেখযোগ্য যে এই দৰমহা সংশোধনৰ বাবে যোৱা জুলাই মাহত বিধানসভাৰ অধ্যক্ষ বিশ্বজিৎ দৈমাৰীয়ে প্ৰাক্তন অতিৰিক্ত মুখ্য সচিব হিমাংশু শেখৰ দাসৰ নেতৃত্বত এখন কমিটি গঠন কৰা দিছিল।
এই দৰমহা কমিটীয়ে প্ৰতিবেদন দাখিল কৰিছে। এই প্ৰতিবেদনৰ ভিত্তিতে দৰমহা বৃদ্ধি পাবলৈ আগবাঢ়িছে। কমিটিখনত থকা আন সদস্যসকল হৈছে অসম বিধানসভাৰ প্ৰাক্তন প্ৰধান সচিব হেমেন দাস, বিত্ত বিভাগৰ সচিব মালবিকা চৌধুৰী আৰু বিধানসভাৰ অতিৰিক্ত সচিব ৰাজীৱ ভট্টাচাৰ্য৷ তেওঁলোকৰ প্ৰতিবেদনৰ ভিত্তিত বিধানসভাৰ আগন্তুক শীতকালীন অধিবেশনত এই ক্ষেত্ৰত চূড়ান্ত অনুমোদন জনোৱাৰ সম্ভাৱনা আছে ।
উল্লেখযোগ্য যে বৰ্তমান মুখ্যমন্ত্ৰীয়ে লাভ কৰে মাহিলি ১ লাখ ৩০ হাজাৰ টকা দৰমহা। ভাট্টা হিচাপত ৩৪ হাজাৰ টকা মিলাই মুখ্যমন্ত্ৰীৰ মাহত মুঠ দৰমহা ১ লাখ ৬৪ হাজাৰ টকা।
এগৰাকী মন্ত্ৰীৰ বৰ্তমানৰ মাহিলি দৰমহা হৈছে ১ লাখ ১০ হাজাৰ টকা আৰু ভাট্টা ৩০ হাজাৰ মিলাই মুঠ ১ লাখ ৪০ হাজাৰ টকা। বিধানসভাৰ অধ্যক্ষ আৰু উপাধ্যক্ষই ১ লাখ ২০ হাজাৰ দৰমহা আৰু ৩০ হাজাৰ ভাট্টা মিলাই ১ লাখ ৫০ হাজাৰ টকা। বিৰোধী দলপতিয়েও লাভ কৰে সমপৰিমাণে দৰমহা। ইয়াৰ উপৰি মন্ত্ৰীসকলে বিনামূলীয়া চৰকাৰী বাহন, ড্ৰাইভাৰ, পেট্ৰ’ল, ঘৰ, বিদ্যুৎ-পানী আদি সুবিধাও লাভ কৰে।
আনহাতে, এগৰাকী বিধায়কে দৰমহা আৰু ভাট্টা মিলাই লাভ কৰে ১ লাখ ২০ হাজাৰ টকা। তাৰ উপৰি বিনামূলীয়া আৱাস, গাড়ী, বিদ্যুৎ-পানী আদিও লাভ কৰে।
এতিয়া যদি নতুন নিৰিখ কাৰ্যকৰী হয় তেন্তে মুখ্যমন্ত্ৰীয়ে ২ লাখ ৪০ হাজাৰ , মন্ত্ৰীসকলে ২ লাখ ১০ হাজাৰ, বিধানসভাৰ অধ্যক্ষই ২ লাখ ২৫ হাজাৰ টকা দৰমহা লাভ কৰিব। আনহাতে, বিধানসভাৰ উপাধ্যক্ষ আৰু বিৰোধী দলপতিৰ দৰমহা ২ লাখ ২৫ হাজাৰ টকা আৰু বিধায়কসকলৰ দৰমহা ২ লাখ ৫ হাজাৰ টকালৈ বৃদ্ধি পাব।
