চিবিআয়ে (CBI) সোমবাৰে উচ্চতম ন্যায়ালয় (Supreme Court)ত আৰ জি কৰ গোচৰ (RG Kar case)ৰ ফৰেনছিক প্ৰতিবেদন সন্দৰ্ভ (Forensic Report Reference)ত প্ৰশ্ন উত্থাপন কৰে। তেওঁলোকে কলকাতা আৰক্ষীয়ে দিয়া ফৰেনছিক ৰিপ’ৰ্ট দিল্লী এইমছলৈ প্ৰেৰণ কৰিব বিচাৰে। ইয়াৰ উপৰি কেন্দ্ৰীয় তদন্তকাৰী সংস্থাই ঘটনাস্থলীৰ পৰা কোনে ফৰেনছিক নমুনা সংগ্ৰহ কৰিছিল সেই সন্দৰ্ভতো প্ৰশ্ন উত্থাপন কৰিছে। তেওঁলোকে দাবী কৰে যে অপৰাধস্থলীৰ পৰা ফৰেনছিক নমুনা কোনে সংগ্ৰহ কৰিছিল সেই প্ৰশ্নটোও ‘গুৰুত্বপূৰ্ণ’। চিবিআয়ে উচ্চতম ন্যায়ালয়ত দাবী কৰে যে এনে ঘটনাৰ পিছত প্ৰথম পাঁচ ঘণ্টা অতি গুৰুত্বপূৰ্ণ। কিন্তু পাঁচ দিনৰ পিছত তেওঁলোক সেই স্থানলৈ যায়। কেন্দ্ৰীয় তদন্তকাৰী সংস্থাই দাবী কৰিছে যে তেতিয়ালৈকে কিছু ‘সলনি’ হৈ গৈছিল।
সোমবাৰে উচ্চতম ন্যায়ালয়ৰ শুনানিৰ সময়ত চিবিআইৰ হৈ ছলিচিটৰ জেনেৰেল তুষাৰ মেহতাই এই অনুৰোধ জনায়। চিবিআইৰ হৈ তেওঁ আদালতত কয়, “ফৰেনছিক টেষ্টৰ ৰিপ’ৰ্ট আমাৰ হাতত আছে। তাত কোৱা হৈছে যে পুৱা ৯.৩০ বজাত মৃতদেহ উদ্ধাৰ হয়, তেতিয়া তেওঁৰ জিন্স আৰু অন্তৰ্বাস খোলা আছিল। কাষতে পৰি আছিল সেইখিনি। অৰ্ধ উলংগ শৰীৰত আঘাতৰ চিন আছিল। তেওঁলোকে (কলকাতা আৰক্ষী) নমুনা লৈছিল। তেওঁলোকে নমুনাটো পশ্চিমবংগৰ চি এফ এছ এললৈ (চেণ্ট্ৰেল ফৰেনছিক ছায়েন্স লেবৰেটৰী) প্ৰেৰণ কৰে।” চিবিআয়ে এই নমুনাটো এইমছৰ লগতে আন কিছুমান পৰীক্ষাগাৰলৈ প্ৰেৰণ কৰাৰো সিদ্ধান্ত লৈছে।
কিন্তু চিবিআইৰ অধিবক্তাগৰাকীয়ে স্পষ্টকৈ কোৱা নাই যে সঠিকভাৱে কি নমুনা সংগ্ৰহ কৰা হৈছে। তাৰ বিপৰীতে কয়, “মানুহ প্ৰৱেশ কৰি আছিল। উলংগ হৈ আছিল যুৱতীগৰাকী। এয়া এফ এছ এলৰ ফলাফল। গতিকে কোনে নমুনা সংগ্ৰহ কৰিছিল সেয়াও গুৰুত্বপূৰ্ণ। চিবিআইৰ অধিবক্তাই কয়, “ফৰেনছিক ৰিপ’ৰ্টক লৈয়ো এটা প্ৰশ্ন আছে। গতিকে চিবিআয়ে সেই সকলোবোৰ নমুনা এইমছ বা আন কোনো পৰীক্ষাগাৰলৈ প্ৰেৰণ কৰাৰ সিদ্ধান্ত লৈছে।” এই ঘটনাৰ পিছৰ প্ৰথম পাঁচ ঘণ্টা অতি গুৰুত্বপূৰ্ণ বুলিও দাবী কৰে চিবিআয়ে। তেওঁলোকৰ অধিবক্তাই কয়, “এনে ঘটনাৰ পিছত প্ৰথম পাঁচ ঘণ্টা অতি গুৰুত্বপূৰ্ণ। কিন্তু আমি পাঁচদিন পিছতহে তালৈ গ’লোঁ৷ তাৰ পিছত কিছু সলনি হ’ল।”
আনহাতে, সোমবাৰে মুখ্য ন্যায়াধীশ ডি ৱাই চন্দ্ৰচুড়েও প্ৰশ্ন উত্থাপন কৰে যে ঘটনাৰ দিনটোত আৰ জি কৰ মেডিকেল কলেজৰ চিচিটিভি ফুটেজ চিবিআয়ে লাভ কৰিছিল নেকি? তেওঁ কয়, “আৰ জি কৰৰ ক্ষেত্ৰত চিচিটিভিৰ ফুটেজত অভিযুক্তক বাৰত প্ৰৱেশ আৰু প্ৰস্থান কৰা দেখা গৈছিল। ফলত পুৱা ৪.৩০ বজাৰ পৰা ফুটেজ হোৱাৰ কথা। সেই ফুটেজ চিবিআইক দিয়া হৈছিল নেকি?” চিবিআয়ে কয় যে তেওঁলোকক মুঠ ২৭ মিনিটৰ চাৰিটা ক্লিপিং দিয়া হৈছিল। তদন্ত সন্দৰ্ভত ৰাজ্যৰ হাতত থকা সকলো তথ্য চিবিআইক অৰ্পণ কৰা হৈছে বুলিও জানিবলৈ দিয়ে।
