শ্বেখ হাছিনাই প্ৰধানমন্ত্ৰী পদৰ পৰা পদত্যাগ কৰি বাংলাদেশৰ পৰা পলায়ন কৰাৰ এসপ্তাহ পাৰ হৈ গ’ল। আনহাতে, নোবেল বঁটাবিজয়ী মহম্মদ ইউনুছ (Mohammad Yunus)ৰ নেতৃত্ব বাংলাদেশত অন্তৱৰ্তীকালীন চৰকাৰ (Interim Government in Bangladesh) গঠন কৰা হৈছে। ইয়াৰ পিছতো ভাৰতৰ চুবুৰীয়া দেশখনত শান্তি সম্পূৰ্ণৰূপে ঘূৰি অহা নাই। দেশখনৰ সংবাদ মাধ্যমত মাজে মাজে বিভিন্ন অঞ্চলত হিংসাত্মক ঘটনা সংঘটিত হোৱাৰ খবৰ আহি আছে।
আনহাতে, দুষ্কৃতিকাৰীয়ে লুণ্ঠন (Miscreants loot) কৰিছে চৰকাৰী অস্ত্ৰ-শস্ত্ৰ (Government weapons)। ইয়াৰ পিছতে কঁপনি উঠিছে বাংলাদেশৰ অন্তৱৰ্তীকালীন চৰকাৰৰ। যাৰবাবে লুণ্ঠন কৰা সকলো অস্ত্ৰ ঘূৰাই দিয়াৰ নিৰ্দিষ্ট সময়সীমা বান্ধি দিছে (Specified timeline for return of arms)।
গৃহ পৰিক্ৰমা বিভাগৰ উপদেষ্টা ব্ৰিগেডিয়াৰ জেনেৰেল (অৱসৰপ্ৰাপ্ত) এম ছেখাৱত হোছেইনে কয়, “আমি ১৯ আগষ্টৰ ভিতৰত সকলো অস্ত্ৰ-শস্ত্ৰ থানাত জমা দিবলৈ আহ্বান (Urges to submit all weapons to police stations by August 19) জনাইছোঁ।”
উল্লেখ্য, বৈষম্য বিৰোধী ছাত্ৰ আন্দোলনৰ ফলত বাংলাদেশত ৰাজনৈতিক পৰিৱৰ্তন ঘটে। প্ৰধানমন্ত্ৰীৰ পদত্যাগ কৰিবলৈ বাধ্য হয় হাছিনা। আনহাতে, বাংলাদেশৰ সংসদ ভংগ কৰা হৈছে। ইফালে হাছিনাই বাংলাদেশ এৰি যোৱাৰ পিছৰে পৰা বিভিন্ন ঠাইত অশান্তিৰ জুই জ্বলি উঠে। লুটপাত, লণ্ডভণ্ড, মাৰপিট, হত্যা সকলো সংঘটিত হয়। বিভিন্ন থানা আৰু অস্ত্ৰ ভাণ্ডাৰত লুটপাত চলে। যিমানে পাৰে সিমানে অস্ত্ৰ হাতত তুলি লয়। এতিয়া সেই লুণ্ঠন কৰা অস্ত্ৰবোৰ অন্তৱৰ্তীকালীন চৰকাৰৰ বাবে মূৰৰ কামোৰ হৈ পৰিছে।
