অনলাইন বা অফলাইন, যিকোনো পদ্ধতিতেই হওক শীঘ্ৰে কৰ্মচাৰী সকলৰ দৰমহা মোকলাই দিয়াৰ আহ্বান দৰমহা বঞ্চিত কৰ্মচাৰী সকলৰ
ASSAM TIMES POST,ডিফু: ৰাজ্য চৰকাৰ আৰু কাৰবি আংলং স্বায়ত্ত শাসিত পৰিষদৰ মাজত সৃষ্টি হোৱা অনলাইন অফলাইন সমস্যাৰ বাবেই বিগত তিনিমাহৰ পৰা দৰমহাৰ পৰা বঞ্চিত পানী হাঁহ নচৰাৰ দৰে অৱস্থা হৈছে কৰ্মচাৰী সকলৰ ৷ কাৰবি আংলং স্বায়ত্ত শাসিত পৰিষদৰ অধীনস্থ বিভিন্ন বিভান্ন বিভাগৰ কৰ্মচাৰী সকলে আজি পৰিষদৰ প্ৰধান সচিবক এক স্মাৰক পত্ৰ অৰ্পণ কৰি অতি শীঘ্ৰে অনাদায় দৰমহা মুকলি কৰি দিবলৈ আহ্বান জনায় ৷
কাৰবি আংলং স্বায়ত্ত শাসিত পৰিষদ আৰু ৰাজ্য চৰকাৰৰ মাজত থকা সমন্বয়ৰ অভাবৰ বাবেই কৰ্মচাৰী সকলে কুফল ভুগিব লগা হৈছে ৷ সেয়ে অফলাইন বা অনলাইন যি পদ্ধতিৰেই হওক কৰ্মচাৰী সকলৰ বিগত তিনিমাহৰ দৰমহা মুকলাই দিবলৈ স্মাৰক পত্ৰ খনত উল্লেখ আছে ৷
আজি পৰিষদৰ সচিবালয়ত কৰ্মচাৰী সকলে মুখ্য কাৰ্যবাহী সদস্য তুলিৰাম ৰংহাঙক এই সন্দৰ্ভত অৱগত কৰোৱা বুলি জানিব দিছে ৷ মুখ্য কীৰ্যবাহী সদস্য গৰাকীয়ে অহা আগষ্ট মাহৰ ভিতৰত কৰ্মচাৰী সকলৰ সমস্যা সমাধান কৰা হব বুলি আশ্বাস প্ৰদান কৰাৰ কথা কৰ্মচাৰী সকলে সংবাদ মাধ্যমৰ আগত ব্যক্ত কৰে ৷ আনহাতে কাৰবি আংলং জিলাৰ মধ্য ইংৰাজী শিক্ষক সন্থায়ো বিষয়টোকলৈ গভীৰ উদ্বেগ প্ৰকাশ কৰি শীঘ্ৰে সমস্যা সমাধানৰ আহ্বান জনায়৷
