মহাকাশত আবদ্ধ (trapped in space) হৈ আছে ভাৰতীয়-আমেৰিকান মহাকাশচাৰী (Astronauts) সুনীতা উইলিয়ামছ (Sunita Williams) আৰু তেওঁৰ সহযোগী বুচ উইলম’ৰ (Butch Wilmore)। তেওঁলোক মহাকাশত থকা দুমাহতকৈও অধিক সময় হ’ল। এতিয়াও যান্ত্ৰিক সমস্যাৰ বাবে পৃথিৱীলৈ ঘূৰি আহিব পৰা নাই তেওঁলোক। সুনীতাই মহাকাশলৈ যাত্ৰা কৰা বয়িং ষ্টাৰলাইনাৰত যান্ত্ৰিক বিজুতি পোৱা গৈছে। নাছাই মহাকাশচাৰী দুজনক নিৰাপদে ঘূৰাই অনাৰ চেষ্টা চলাইছে। কিন্তু সময়ৰ লগে লগে আশঙ্কাও বাঢ়িছে।
৫ জুনত সুনীতা আৰু বুচে বয়িং ষ্টাৰলাইনাৰত মহাকাশলৈ উৰা মাৰিছিল। গন্তব্যস্থান আছিল আন্তঃৰাষ্ট্ৰীয় মহাকাশ কেন্দ্ৰ (ISS)। সুনীতা তাত মাত্ৰ ন দিন থকাৰ পৰিকল্পনা আছিল। কিন্তু মহাকাশযানখনত এটা ত্ৰুটি ধৰা পৰে। মহাকাশযানখনৰ পৰা হিলিয়াম গেছ নিৰ্গত হোৱা বুলি দাবী কৰা হৈছে। গতিকে পৃথিৱীলৈ ঘূৰাই অনা সম্ভৱ নহয়। ইতিমধ্যে দুবাৰকৈ তাৰ মেৰামতিৰ চেষ্টা কৰা হয় যদিও বিফল হয়।
শেহতীয়াকৈ মহাকাশযান নিৰ্মাতা কোম্পানীটোৱে কয় যে তেওঁলোকে বয়িং ষ্টাৰলাইনাৰৰ নিয়ন্ত্ৰণ ব্যৱস্থাৰ কেইবাটাও পৰীক্ষা সম্পন্ন কৰিছে। পৰীক্ষাৰ ফলাফল ধনাত্মক। ফলত মহাকাশযানখনেৰে সুনীতাক নিৰাপদে ঘূৰাই অনা সম্ভৱ হ’ব বুলি সংগঠনটোৰ পৰিচালনা সমিতিয়ে আশাবাদী। নাছায়ো বৰ্তমান সংস্থাটোৰ ওপৰত নিৰ্ভৰ কৰি আছে। কিন্তু আন সম্ভাৱনাকো নুই কৰিব নোৱাৰি।
আনহাতে, মহাকাশচাৰীসকলে মহাকাশত দীঘলীয়া দিনত সন্মুখীন হোৱা শাৰীৰিক সমস্যাৰ সন্মুখীন হ’বলৈ ইতিমধ্যে আৰম্ভ কৰিছে সুনীতা আৰু বুচে। তেওঁলোকৰ পেশীবোৰ শিথিল হৈ পৰিছে, হাড়বোৰো দুৰ্বল হৈ আহিছে। কিন্তু মহাকাশচাৰীৰ বাবে এইবোৰ স্বাভাৱিক আৰু চিনাকি ৰোগ। নাছাৰ মতে, সুনীতা আৰু বুচৰ স্বাস্থ্য ‘সুস্থিৰ’। কিন্তু কেতিয়া তেওঁলোকক ঘূৰাই আনিব পাৰিব সেইটো হ’ব লক্ষণীয়।
