অসমৰ বান পৰিস্থিতি (Assam Flood Situations) এতিয়াও উন্নত হোৱা নাই। ৰাজ্যিক দুৰ্যোগ ব্যৱস্থাপনা বিভাগৰ শেহতীয়া তথ্য অনুসৰি, এতিয়াও জলমগ্ন (submerged) হৈ আছে ৰাজ্যৰ ২৭ খন জিলা (27 districts)৷ জিলাকেইখনৰ বানত ক্ষচিগ্ৰস্ত লোকৰ সংখ্যা হৈছে প্ৰায় ১৪.৩৯ লাখ (people affected 14.39 lakh)৷ আনহাতে, বিগত ২৪ ঘণ্টাত বানত মৃত্যু ঘটিছে ৫ জন লোকৰ৷ ইয়াকে লৈ চলিত বানত মৃত্যু হোৱা লোকৰ সংখ্যা ৮৪ জনলৈ বৃদ্ধি পালে। এতিয়ালৈকে ৰাজ্যৰ ২৭ খন জিলাৰ ৮৬ টা ৰাজহ চক্ৰৰ অধীনৰ ২,৫৮০ খন গাঁও বানৰ কবলত আছে৷ এই অঞ্চলবোৰৰ ১.৫৭ লাখ বানাক্ৰান্ত ৩৬৫ টা আশ্ৰয় শিবিৰত বৰ্তমানেও আশ্ৰয় লৈ আছে।
শেহতীয়া তথ্য মতে, এতিয়াও নিমাতী ঘাট, তেজপুৰ, গুৱাহাটী আৰু ধুবুৰীত ব্ৰহ্মপুত্ৰৰ জলপৃষ্ঠ বিপদসীমাৰ ওপৰেৰে বৈ আছে। ইফালে ৰাজ্যৰ চলিত বানত কাজিৰঙা ৰাষ্ট্ৰীয় উদ্যানত এই পৰ্যন্ত মুঠ ১৫৯ টা বন্যপ্ৰাণীৰ মৃত্যু (159 wildlife deaths) হৈছে। ইয়াৰে ভিতৰত আছে ১২৮ টা সুগঢ়ী পহু, ৯ টা গঁড়, ২ টা দলহৰিণ আৰু ২ টা শৰপহু৷
