নিৰ্বাচনৰ পূৰ্বেই মুখ্যমন্ত্ৰী পেমা খাণ্ডুকে ধৰি অৰুণাচল বিধানসভা (Arunachal Assembly)ৰ ১০গৰাকী বিজেপি প্ৰাৰ্থী বিনা প্ৰতিদ্বন্দ্বিতাৰে নিৰ্বাচিত হৈছিল। দেওবাৰে বাকী ৫০টা বিধানসভা নিৰ্বাচনৰ ভোটগণনাত বিজেপিৰ বিজয় ৰথ অব্যাহত থাকে।
উল্লেখ্য, ৬০খন আসনৰ (of 60 seats) অৰুণাচল বিধানসভাত বিজেপিয়ে ৪৬খন আসন লাভ (BJP gets 46 seats) কৰে। আনহাতে, নেচনেল পিপলছ পাৰ্টিৰ প্ৰাৰ্থীয়ে ৫ খন আসনত জয়লাভ কৰে।
এনচিপিয়ে ৩খন, পিপলছ পাৰ্টি অৱ অৰুণাচল (পিপিএ) ২খন আৰু কংগ্ৰেছে ১খন আসন লাভ কৰে। তিনিটা বিধানসভা সমষ্টিত জয়লাভ কৰিছে নিৰ্দলীয় প্ৰাৰ্থীয়ে। বিজেপিৰ সূত্ৰ অনুসৰি, ৰাজ্যখনত পুনৰ মুখ্যমন্ত্ৰী হ’বলৈ গৈ আছে পেমা।
উল্লেখযোগ্য যে ১৯ এপ্ৰিলত ৩২খন আসনৰ ছিকিমৰ লগতে অৰুণাচলতো এটা পৰ্যায়ত ভোটগ্ৰহণ অনুষ্ঠিত হৈছিল। ইয়াৰ সমান্তৰালকৈ অৰুণাচলৰ দুখন লোকসভা আসন আৰু ছিকিমৰ একমাত্ৰ আসনত ভোটগ্ৰহণ অনুষ্ঠিত হয়। দেওবাৰে কেৱল বিধানসভাৰ ভোটগ্ৰহণ গণনা কৰা হয়। দেশৰ বাকী অংশৰ লগতে মঙলবাৰে (৪ জুন) অৰুণাচল আৰু ছিকিমত লোকসভা নিৰ্বাচনৰ ভোট গণনা কৰা হ’ব।
