মণিপুৰত (Manipur) সংঘটিত হিংসাত্মক ঘটনাৰ এটা বছৰ সম্পূৰ্ণ হ’ল। কিন্তু সম্পূৰ্ণ এবছৰ হৈ যোৱাৰ পাছতো মণিপুৰত ৰক্তপাত বন্ধ হোৱা নাই। প্ৰায় ৭০,০০০ লোক এতিয়াও গৃহহীন হৈ আছে। মৃত্যুৰ সংখ্যা ২২০ ত উপনীত হৈছে। চৰকাৰ, আৰক্ষী, সেনা বা অৰ্ধসামৰিক বাহিনী কোনেও নাজানে সংঘৰ্ষ ক’ত গৈ শেষ হ’ব।
ইয়াৰ মাজতে ৰাজ্যখনত লোকসভা নিৰ্বাচনো অনুষ্ঠিত হয়। তাত শৰণাৰ্থী শিবিৰৰ বহুতো পৰিয়ালে ভোট বৰ্জন কৰিছে। আনহাতে, দুয়োপক্ষ ক্ষুব্ধ যে প্ৰধানমন্ত্ৰীয়ে এবাৰো ৰাজ্যখনত ভৰি দিয়া নাই।
কুকি অধ্যুষিত অঞ্চলটোৱে সংঘৰ্ষৰ বাৰ্ষিকী উপলক্ষে ৩ মে’ত ‘ক’লা দিৱস’ পালন কৰিছে। সম্পূৰ্ণ বন্ধ ঘোষণা কৰা হৈছে। সকলো কুকি ঘৰত ক’লা পতাকা উৰিব। মণিপুৰত আক্ৰমণ কৰা চিন-কুকি ড্ৰাগছ সন্ত্ৰাসবাদীৰ বাৰ্ষিকী উপলক্ষে মেইটেইসকলে এই দিনটো ঘোষণা কৰিছে। কুকি-জো গোটৰ কিছু সদস্যই শুকুৰবাৰে দিল্লীৰ যন্তৰ-মন্তৰত মেইটেই অত্যাচাৰৰ বিৰুদ্ধে এক সমদল অনুষ্ঠিত কৰিব।
কুকিসকলৰ পৰা সংৰক্ষিত অৰণ্য পুনৰুদ্ধাৰৰ প্ৰচেষ্টাক লৈ উত্তেজনাৰ সৃষ্টি হৈছে। মেইটেইসকলক এছটিৰ মৰ্যাদা প্ৰদান কৰা উচ্চ ন্যায়ালয়ৰ নিৰ্দেশক লৈ জনজাতীয় লোকসকলে আহ্বান কৰা এক সমদলৰ পিছত ৩ মে’ত সংঘৰ্ষৰ সূত্ৰপাত হয়।
ৰাজ্যখনৰ ১০ জন কুকি বিধায়কৰ ভিতৰত দুজন মন্ত্ৰী আছে। ইয়াৰে ভিতৰত আছে বিজেপিৰ সাতজন বিধায়ক।কিন্তু যোৱা এবছৰ ধৰি চৰকাৰ বা মন্ত্ৰীসভাৰ সৈতে তেওঁলোকৰ কোনো সম্পৰ্ক নাই। কুকিসকলে কুকিলেণ্ডৰ পৃথক কেন্দ্ৰীয়শাসিত অঞ্চলৰ দাবী কৰিছে।
মিজোৰামৰ মুখ্যমন্ত্ৰী জোৰামথাংগাই এই দাবীক নিৰন্তৰ সমৰ্থন কৰি আহিছে। কুকিসকলৰ পৰা মেইটেইসকলক ‘সুৰক্ষা’ দিয়াৰ নামত মেইটেই যুৱকসকলে ‘আৰামবাই টেংগে’ নামৰ এটা উগ্ৰপন্থী বাহিনী গঠন কৰিছে আৰু ৰাজ্যখনৰ বিজেপি চৰকাৰৰ প্ৰত্যক্ষ পৃষ্ঠপোষকতাত আগ্নেয়াস্ত্ৰৰে সমান্তৰাল চৰকাৰ চলাই আছে।
স্বাধীন ভাৰতত এনে অৰাজকতা সচৰাচৰ দেখা নাযায়। এজন সেনা বিষয়াৰ মতে, মণিপুৰত ড্ৰাগছৰ ব্যৱসায় ৰাজ্যখনৰ জিডিপিৰ ডেৰ গুণ। সেই সাম্ৰাজ্য দখল কৰিবলৈ যুঁজিব লাগিব। চীনেও ম্যানমাৰৰ ড্ৰাগ মাফিয়াৰ জৰিয়তে হস্তক্ষেপ কৰিছে।
