এতিয়ালৈকে দেশত প্ৰৱৰ্তন কৰা ২০০০ টকীয়া নোটৰ (Rs 2,000 note) ৯৭ শতাংশ বেংকিং ব্যৱস্থালৈ ঘূৰি আহিছে। ৩ শতাংশ এতিয়াও বাকী আছে। এই তথ্য ৰিজাৰ্ভ বেংকৰ। উল্লেখযোগ্য যে ১ মাৰ্চত আৰবিআয়ে (RBI) জনাইছিল যে প্ৰায় ৮৪৭০ কোটি টকাৰ (Rs 8470 crore) ২০০০ টকীয়া নোট এতিয়াও ঘূৰাই দিয়া হোৱা নাই (Not returned)।
২০২৩ চনৰ ১৯ মে’ত আৰবিআয়ে ২০০০ টকীয়া নোট বজাৰৰ পৰা ঘূৰাই আনিব বুলি ঘোষণা কৰে। জাৰি কৰা অধিসূচনাত সাধাৰণ লোকে কেনেদৰে ২০০০ টকা জমা বা বিনিময় কৰিব পাৰে সেই বিষয়েও অৱগত কৰা হৈছিল। ২০২৩ চনৰ ১৯ মে’ৰ পৰা আৰবিআইৰ ১৯টা কাৰ্যালয়ত ২০০০ টকীয়া নোট বিনিময় কৰা হয়।
এই সুবিধাৰ উপৰি দেশৰ যিকোনো ডাকঘৰৰ পৰাও ৰিজাৰ্ভ বেংকৰ ২০০০ টকীয়া নোট প্ৰেৰণৰ ব্যৱস্থা কৰা হৈছিল। এই ধন ব্যক্তিজনৰ বেংক একাউণ্টত জমা হয়।
আহমেদাবাদ, বাংগালুৰু, বেলাপুৰ, ভূপাল, ভুৱনেশ্বৰ, চণ্ডীগড়, চেন্নাই, গুৱাহাটী, হায়দৰাবাদ, জয়পুৰ, জম্মু, কানপুৰ, কলকাতা, লক্ষ্ণৌ, মুম্বাই, নাগপুৰ, নতুন দিল্লী, পাটনা আৰু তিৰুৱনন্তপুৰমত আৰবিআইৰ ১৯টা কাৰ্যালয় আছে। নোট বিনিময়ৰ সময়সীমা ২০২৩ চনৰ ৩০ ছেপ্টেম্বৰলৈ দিয়া হৈছিল। কিন্তু পিছত এই সময়সীমা ৭ অক্টোবৰলৈ বৃদ্ধি কৰা হয়। ৭ অক্টোবৰৰ পৰা বেংকে ২০০০ টকীয়া নোট গ্ৰহণ কৰা বন্ধ কৰি দিয়ে। ৰিজাৰ্ভ বেংকে জনাইছে যে এজন ব্যক্তিয়ে ডাকঘৰ বা ৰিজাৰ্ভ বেংকৰ কাৰ্যালয়ত ২০০০ টকীয়া নোট এটা সময়ত ২০,০০০ টাকা পৰ্যন্ত বিনিময় কৰিব পাৰে।
২০২৩ চনত ২০০০ টকীয়া নোট ঘূৰাই লোৱাৰ কথা ঘোষণা কৰা হয়। উল্লেখযোগ্য যে ২০১৬ চনৰ নৱেম্বৰ মাহত বিমুদ্ৰাকৰণৰ সময়ত প্ৰথমবাৰৰ বাবে ২০০০ টকীয়া নোট জাৰি কৰা হৈছিল।
