Agra man arrested for depositing fake Rs 2000 note:
আৰক্ষীৰ সূত্ৰ অনুসৰি, ধৃত ব্যক্তিজন এজন স্থানীয় কোটিপতি সোণ-ৰূপ ব্যৱসায়ীৰ পুত্ৰ। তেওঁ ভাৰতীয় ষ্টেট বেংকৰ এটা শাখালৈ গৈ ২.৮৫ কোটি টকাৰ ২০০০ টকীয়া নোট বিনিময় কৰে। উক্ত নোটৰ বাণ্ডিলটোত ১৩খন ভুৱা নোট আছিল। বেংকটোৰ মেনেজাৰে আৰক্ষীক অভিযোগ কৰি কয় যে এই ঘটনাৰ দুদিন পূৰ্বে ধৃত ব্যক্তিজনে বিপুল পৰিমাণৰ ২০০০ টকাৰ নোট বিনিময় কৰিছিল।
মঙলবাৰৰ পৰা দেশৰ বিভিন্ন বেংকত ২০০০ টকীয়া নোটৰ বিনিময় প্ৰক্ৰিয়া আৰম্ভ হৈছে। ৰিজাৰ্ভ বেংকে কৈছে যে ৩০ ছেপ্টেম্বৰলৈকে কোনো বাধা নোহোৱাকৈ ২০০০ টকীয়া নোট বেংকত বিনিময় কৰিব পৰা যাব। পান বা আধাৰ কাৰ্ডৰ দৰে কোনো পৰিচয় প্ৰমাণ দেখুৱাব নালাগে।
আনকি বিনিময়ৰ বাবে কোনো বেংক ফৰ্ম পূৰণ কৰাৰ প্ৰয়োজন নাই! আৰবিআইৰ সমান্তৰালকৈ ভাৰতীয় ষ্টেট বেংককে ধৰি একাংশ চৰকাৰী বেংকেও এই সন্দৰ্ভত গাইডলাইন জাৰি কৰিছে। কিন্তু এই ব্যৱস্থাৰ ফলত কʼলা ধন সহজে সলনি কৰিব পৰা যাব বুলি ইতিমধ্যে দিল্লী উচ্চ ন্যায়ালয়ত জনস্বাৰ্থৰ গোচৰ ৰুজু কৰা হৈছে।
