বৃহস্পতি বিয়লি ৪ বজাত খটখটী আৰক্ষীৰ অভিযানত নিচাযুক্ত ড্রাগছ, নিচা জাতীয় টেবলেট আৰু ট্রামাদলসহ এজন যুৱক আৰক্ষীয়ে আটক কৰে।
প্ৰাপ্ত খবৰ অনুসৰি এক গোপন খবৰৰ ভিত্তিত বোকাজান মহকুমাৰ মহকুমা আৰক্ষী বিষয়া ৰুস্তম ৰাজ ব্রহ্ম আৰু খটখটী আৰক্ষী থানাৰ ভাৰপ্ৰাপ্ত আৰক্ষী বিষয়া ৰমেন বৰদলৈৰ নেতৃত্বত যোৱা এটা আৰক্ষীৰ দলে খটখটী থানাৰ অধীনৰ কাৰাগাঁও বাগান এলেকাত গোলাঘাট জিলাৰ সৰুপথাৰ আৰক্ষী থানাৰ অন্তৰ্গত নীলচন্দ্ৰ মেইটেইৰ পুত্ৰ সঞ্জীৱ মেইটেই (৩৪) নামৰ যুৱক জনৰ পৰা ৪টা চাবোনৰ বাকচত ভৰাই অনা অৱস্থাত ৩৯.৯৮০ গ্রাম ড্রাগছ, ৭৩৫টা চিমপ্লেক্স টেবলেট, ৫০৪.৯৭০ গ্রাম ট্রামাদল উদ্ধাৰ কৰে। আজি উদ্ধাৰ কৰা নিচা জাতীয় সামগ্রীখিনি মহকুমা আৰক্ষী বিষয়া গৰাকীৰ উপস্থিতিত জব্দ কৰে।
