ASSAM TIMES POST
নিউজ ডেক্সঃ পশ্চিম বংগৰ নৈহাতীত বেআইনীভাৱে সজা এটা কাৰখানাত হোৱা বিস্ফোৰণত চাৰিজন লোকৰ মৃত্যু হয়৷ শুকুৰবাৰে দুপৰীয়া হোৱা বিস্ফোৰণটোৰ শব্দ প্ৰায় তিনি-চাৰি কিলোমিটাৰ নিলগলৈকে শুনিবলৈ পোৱা গৈছিল৷
বিস্ফোৰণটোৰ শব্দত কপি উঠিছিল বিস্তৃৰ্ণ এলেকা৷ আৰক্ষীৰ সূত্ৰ মতে নৈহাতীৰ এটা কাৰখানাত বিস্ফোৰণ হয়৷ প্ৰত্যক্ষদৰ্শীৰ মতে দিনৰ প্ৰায় ১২ বজাত বিস্ফোৰণৰ ফলত সমগ্ৰ অঞ্চলটো কপি উঠে৷
তাৰ পাছতে আগ্নিয়ে আবৰি ধৰে৷ ঘটনাৰ পাছতে আৰক্ষী আৰু অগ্নিনিৰ্বাপক বাহিনী উপস্থিত হয়৷ আনহাতে বিস্ফোৰণৰ ফলত হোৱা আহতসকলক চিকিৎসালয়ত ভৰ্তি কৰোৱা হয়৷ এই বিস্ফোৰণত চাৰিজন লোক নিহত হয়৷ আৰক্ষীয়ে সন্দেহ কৰা মতে ইয়াত কোনোৱে শক্তিশালী বিস্ফোৰক জমা কৰি ৰাখিছিল৷
