কাৰ্বি আংলং জিলা পথ সুৰক্ষা (Karbi Anglong District Road Safety) সমিতিয়ে জিলাখনত পথ দুৰ্ঘটনাৰ প্ৰতিৰোধৰ অংশ হিচাপে আজি এখন এম্বুলেঞ্চ বোকাজান মহকুমাৰ বাবে মুকলি (Ambulance opens) কৰে। আৰক্ষী অধীক্ষক সঞ্জীব কুমাৰ শইকীয়া, জিলা পৰিবহন বিয়ষা, চিকিৎসক, বন বিয়ষাকে ধৰি বিভিন্ন বিভাগৰ বিষয়াসকলৰ উপস্থিতিত জিলা আয়ুক্ত মধুমিতা ভাগৱতীয়ে পতাকা জোকাৰি এম্বুলেঞ্চৰ সেৱা মুকলি কৰে। জিলা আয়ুক্তগৰাকীয়ে এই এম্বুলেঞ্চৰ সহায়ত পথত দুৰ্ঘটনাত পতিত হোৱাৰ লোকক সহায় কৰিবলৈ সক্ষম হ’ব বুলি আশা প্ৰকাশ কৰে।
তেওঁ লগতে জিলা পথ সুৰক্ষা সমিতিয়ে বোকাজান মহকুমাৰ অন্তৰ্গত সৰিযজান তিনিআলিৰ পৰা গৰমপানীৰ ৰাষ্ট্ৰীয় ঘাই পথত 5 জানুৱাৰীৰ পৰা বাহন তীব্ৰ গতি নিযন্ত্ৰণৰ বাবে টাইম কাৰ্ডৰ প্ৰৱৰ্তন কৰাৰ বাবে পথ দুৰ্ঘটনাত মৃত্যুৰ হাৰ হ্রাস পাইছে বুলি উল্লেখ কৰে। জিলা আৰক্ষী অধীক্ষক সঞ্জীৱ কুমাৰ শইকীয়াই ৰাষ্ট্ৰীয় ঘাই পথত বালি কঢ়িয়াওৱা বাহন সমুহ ৰাখিলে পথ দুৰ্ঘটনাৰ আশংকা আছে বুলি উল্লেখ কৰি বালি কঢ়িয়াওৱা বাহন সমুহ ৰাখিবলৈ বিকল্পৰ স্হান সন্ধান কৰিবলৈ বন বিভাগৰ বিষয়াক অনুৰোধ জনায়। তেওঁ লগতে শিক্ষানুষ্ঠান আৰু ডিপোত ‘ন হেলমেট, ন পেট্রল ‘ ফলক প্ৰয়োজনীয় কথা গুৰুত্ব আৰোপ কৰে। উল্লেখযোগ্য যে চলি বৰ্ষৰ জানুৱাৰীত বাহন চলাচলৰ আইন উলংঘা কৰা বাহনৰ বিৰোধে 55 লাখ টকাৰ জৰিমণা সংগ্রহ কৰিবলৈ সক্ষম হৈছিল।
