বোকাজান (Bokajan) থানাৰ অন্তৰ্গত বৰমান্থীত আজি বনৰীয়া হাতীৰ আক্ৰমণত (Wild Elephant attacked) শিশু-মহিলাসহ চাৰিজন লোকৰ মৃত্যু (Child and Woman killed) হয়। প্ৰাপ্ত তথ্য অনুসৰি, আজি বিয়লি প্ৰায় দুই বজাত বোকাজান থানাৰ অন্তৰ্গত বৰমান্থী লালুবস্তিত চিত্ৰনলা খেতিৰ পৰা ওভতি অহাৰ সময়তে দলটো দুটা বনৰীয়া হাতীৰ আক্ৰমণৰ সন্মুখীন হয়। বনৰীয়া হাতীৰ আক্ৰমণত দুটি কণমানি শিশু, এগৰাকী মহিলাকে ধৰি চাৰিজন লোকে সকৰুণ মৃত্যুক সাৱটি লয়।
নিহত লোককেইজন ক্ৰমে ৰিবিকা কেলকাটা (২৮), কানিয়া তিৰিয়া (৫০), জেচয়া কেৰকেটা (৪) আৰু আগষ্টিন কৰ্মকাৰ (২) বুলি চিনাক্ত কৰা হৈছে। ঘটনাস্থলীত বোকাজান আৰক্ষীৰ লগতে বন বিভাগৰ লোক ঘটনাস্থলীত উপস্থিত হৈ মৃতদেহকেইটা উদ্ধাৰ কৰাৰ লগতে মৰণোত্তৰ পৰীক্ষাৰ বাবে ডিফু চিকিৎসা মহাবিদ্যালয়লৈ প্ৰেৰণ কৰে।
