পূজাৰ বতৰত এইবাৰ ছিকিম (Sikkim)ত এতিয়ালৈকে লোকচান প্ৰায় ১৫০ কোটি টকা। অক্টোবৰৰ আৰম্ভণিতে দক্ষিণ লোনক হ্ৰদত বিস্ফোৰণ ঘটা বানে উত্তৰ ছিকিমক বিচ্ছিন্ন কৰি পেলায়। বহুতৰে মৃত্যু হয় আৰু বহু নিৰুদ্দেশ হয়। বন্ধ হৈ আছে পথ যোগাযোগ। ছিকিম পৰ্যটন (Sikkim Tourism) বিভাগৰ সূত্ৰ অনুসৰি, এই ঘটনাৰ বাবে পূজাৰ বুকিং হোটেল আৰু ৰিজ’ৰ্টত ৮৫ শতাংশৰ পৰা ২৫ শতাংশলৈ হ্ৰাস পাইছে। যদিও পূব আৰু দক্ষিণ ছিকিম মুকলি, তথাপিও পৰিস্থিতিৰ বিশেষ পৰিৱৰ্তন হোৱা নাই। দীপাৱলী বুকিঙৰ বাবেও ছিকিমৰ কথা চিন্তা কৰিছে পৰ্যটকসকলে।
ছিকিম চৰকাৰী পৰ্যটন বিষয়াসকলৰ মতে, ২০ অক্টোবৰৰ পৰা ৩০ অক্টোবৰলৈ বুকিং বাতিল হোৱাৰ বাবে লোকচানৰ (Sikkim Tourism Loss) মোটামুটি হিচাপ কৰা হৈছে। সেই অনুসৰি হোটেল, পৰিবহণ, খাদ্য, গাইড, ভ্ৰমণৰ বাবে ১৫০ কোটি টকা ধৰা হৈছে। যদি দীপাৱলীৰ অৱস্থা ধৰা হয় তেন্তে এই ধনৰ পৰিমাণ ২০০ কোটিতকৈ অধিক হʼব। দাৰ্জিলিং আৰু কালিম্পঙৰ পৰ্যটনতো ছিকিমে প্ৰভাৱ পেলাইছে। পথ, দলং আদিৰ আন্তঃগাঁথনি ঠিক কৰিলে নতুন বছৰত পৰিস্থিতি সলনি হোৱাৰ সম্ভাৱনা আছে।
ছিকিমৰ পৰ্যটন বিভাগৰ এগৰাকী সম্পাদকে কয়, “পৰ্যটন ছিকিমৰ অৰ্থনীতিৰ অন্যতম ভেটি। প্ৰাকৃতিক দুৰ্যোগ, তিস্তাৰ ভয়ানক ৰূপে পৰ্যটনৰ আন্তঃগাঁথনি ধ্বংস কৰিছে। নতুনকৈ সৃষ্টি কৰাৰ যুঁজ আৰম্ভ হৈছে।”
