পেলেষ্টাইনৰ হামাছৰ উপৰি এইবাৰ ইজৰাইলৰ লক্ষ্য হৈছে লেবাননৰ (Israel attack on Lebanon) সশস্ত্ৰ সংগঠন হিজবুল্লাহ। সোমবাৰে নিশা ইজৰাইল সেনাই লেবাননত আক্ৰমণ কৰে। লেবাননৰ হিজবুল্লাহৰ ঘাটিত গোলাবৰ্ষণ কৰা হয়। এই বিমান আক্ৰমণৰ ফলত লেবাননত কিমান ক্ষতি হৈছে সেয়া এতিয়াও স্পষ্ট হোৱা নাই।
ইজৰাইল সেনাৰ এক বিবৃতিত কোৱা হৈছে যে ইজৰাইল সেনাই লেবাননৰ ভূখণ্ডত থকা সন্ত্ৰাসবাদী সংগঠন হিজবুল্লাহক লক্ষ্য কৰি লৈছে। কমেও ২৮ জন বাসিন্দাক সুৰক্ষিত স্থানলৈ স্থানান্তৰ কৰা হৈছে। ইজৰাইল চৰকাৰৰ এই কাৰ্যৰ পৰা বহুতে ভাবে যে তেওঁলোকে লেবাননৰ ভূখণ্ডৰ পৰা হিজবুল্লাহক উৎখাত কৰিবলৈ আৰু ডাঙৰ আক্ৰমণৰ পৰিকল্পনা কৰিছে।
পেলেষ্টাইনৰ সশস্ত্ৰ সংগঠন হামাছৰ সৈতে ইজৰাইলৰ যুদ্ধ আৰম্ভ হোৱাৰ পৰাই হিজবুল্লাহ এই যুদ্ধত হামাছৰ পক্ষত আছে বুলি কৈছে। প্ৰয়োজন হʼলে অস্ত্ৰ লৈ যুদ্ধক্ষেত্ৰলৈ যাবলৈও সাজু হৈ আছে।
ইজৰাইলে ইৰাণক হিজবুল্লাহক অস্ত্ৰ আৰু ধন যোগান ধৰাৰ অভিযোগ উত্থাপন কৰিছে। ইৰাণে যুদ্ধত হামাছকো সমৰ্থন কৰিছিল আৰু পেলেষ্টাইন ভূখণ্ডত ইজৰাইলী আগ্ৰাসনৰ বিৰোধিতা কৰিছিল। সোমবাৰে ইৰাণে সতৰ্কবাণীৰ সুৰত কয় যে তেওঁলোকো উক্ত অঞ্চলত বন্দুক লৈ সাজু। যদিহে ইজৰাইলৰ আগ্ৰাসন বন্ধ নহয় তেন্তে আক্ৰমণৰ প্ৰভাৱ তীব্ৰতৰ হʼব।
