বিশ্বৰ দ্বিতীয় বৃহত্তম জনসংখ্যাৰ দেশ ভাৰতত ৫ হাজাৰতকৈও কম মেগনেটিক ৰিজ’নেন্স ইমেজিং (Magnetic Resonance Imaging) (এম আৰ আই) (MRI) মেচিন আছে।
আনহাতে, প্ৰতি দহ লাখ লোকৰ চিকিৎসাৰ বাবে মাত্ৰ ৩টা মেচিনহে আবণ্টন দিয়া হৈছে। মূলত আমদানি ব্যয় বেছি হোৱাৰ বাবে ভাৰতত প্ৰয়োজনীয়তাৰ তুলনাত এম আৰ আই মেচিন অতি কম। কিন্তু ভাল খবৰটো হৈছে, দেশত বৰ্তমান এম আৰ আই মেচিন নিৰ্মাণৰ কাম আৰম্ভ কৰা হৈছে (Work to manufacture MRI machines begins in the country)। ভাৰতীয় উদ্যোগী অৰ্জুন অৰুণাচলমৰ কোম্পানী VoxelGrids-এ এই ব্যয়বহুল চিকিৎসা সঁজুলি প্ৰস্তুত কৰি আছে। সংবাদ মাধ্যমৰ সূত্ৰত এই কথা প্ৰকাশ।
অৰ্জুন অৰুণাচলমে কয় যে ফিলিপছ, ছিমেন্স, জি ই, টোছিবা, হিটাচিকে ধৰি কেইটামান কোম্পানীয়ে এম আৰ আই মেচিন নিৰ্মাণত আধিপত্য বিস্তাৰ কৰিছে। ভক্সেলগ্ৰিডছে দীৰ্ঘদিন ধৰি এম আৰ আই মেচিন নিৰ্মাণৰ চেষ্টা কৰি আহিছে। অৱশেষত সফল হʼল। বাণিজ্যিক উৎপাদন আৰম্ভ হʼলে আমদানিকৃত মেচিনতকৈ খৰচ ৪০ শতাংশ কম হʼব।
তেওঁ কয়, “আমাৰ দেশত এম আৰ আই মেচিন কম ৰখাৰ এটা কাৰণ হʼল খৰচ। আমদানি শুল্কৰ পিছত ভাৰতে এম আৰ আই মেচিনৰ বাবে ৫ কোটিৰ পৰা ৯ কোটি টকা খৰচ কৰিবলগীয়া হয়।”
উল্লেখ্য যে অৰুণাচলমে উইচকনচিন বিশ্ববিদ্যালয়ৰ পৰা বৈদ্যুতিক অভিযান্ত্ৰিক বিষয়ত পি এইচ ডি ডিগ্ৰী লাভ কৰিছে। নিউয়ৰ্কৰ জি ই গ্লোবেল ৰিচাৰ্চ চেণ্টাৰতো তিনি বছৰ কাম কৰিছিল। পিছত তেওঁ বাংগালুৰুলৈ উভতি আহে। দেশত এম আৰ আই মেচিন নিৰ্মাণৰ বাবে ২০১৭ চনত VoxelGrids Innovation প্ৰতিষ্ঠা কৰে। পিছৰ বছৰত তেওঁ এম আৰ আই প্ৰোটোটাইপ স্থাপন কৰা প্ৰথমজন ভাৰতীয় হিচাপে পৰিগণিত হয়। এই মেচিনটো নিৰ্মাণৰ বাবে প্ৰায় ১২.৪ কোটি টকা খৰচ হৈছিল, যিটো অনা লাভজনক প্লেটফৰ্ম ছচিয়েল আলফাৰ আৰ্থিক অনুদান দ্বাৰা নিৰ্মাণ কৰা হৈছিল।
