এতিয়াও উত্তপ্ত হৈ আছে মণিপুৰ (Manipur Violence Continues)। বিশেষকৈ দুগৰাকী নিখোঁজ শিক্ষাৰ্থীক হত্যাৰ ঘটনা প্রকাশ্যে অহাৰ লগে লগেই নতুনকৈ অশান্তি বিয়পি পৰে ৰাজ্যখনত। আনহাতে, মণিপুৰৰ মুখ্যমন্ত্রী এন বীৰেন সিঙে জনাইছে, দুই শিক্ষাৰ্থীৰ মৃত্যুৰ ঘটনাত ৪ জনক গ্রেপ্তাৰ কৰা হৈছে। নিজৰ সামাজিক মাধ্যমৰ একাউণ্টত তেওঁ এই কথা জনাইছে।
তেওঁ লিখিছে, দুই শিক্ষাৰ্থীক অপহৰণ আৰু হত্যাৰ ঘটনাত চূড়াচান্দপুৰৰ পৰা ৪ জনক গ্রেপ্তাৰ কৰা হৈছে। আনহাতে, অপৰাধীক কঠোৰ শাস্তি বিহা হ’ব বুলিও লগতে তেওঁ জনাইছে। সূত্রৰ খবৰ অনুযায়ী, চাৰিজনক গ্রেপ্তাৰৰ লগতে ২ জনক আটক কৰিছে কেন্দ্রীয় তদন্তকাৰী সংস্থা চিবিআয়ে। গ্রেপ্তাৰ হোৱা চাৰিজনৰ ভিতৰত দুগৰাকী যুৱক আৰু দুগৰাকী যুৱতী। তেওঁলোক হৈছে পাওমিনলুন হাওকিপ, মালছাউন হাওকিপ, লিংনচিং বাইতে আৰু তিননিখোল।
