ভাৰতীয় মহাকাশ গৱেষণা সংস্থাৰ চন্দ্ৰযান-৩ক (Chandrayaan-3) লৈ চৰ্চা চৰ্চা চলি থকাৰ মাজতে ৰাছিয়াইও চন্দ্ৰৰ দৌৰত (Russia is also in the race for the moon) যোগদান কৰিছে। পাঁচ দশকৰ পাছত তেওঁলোকেও নিজৰ লেণ্ডাৰ চন্দ্ৰলৈ পঠিয়াইছে। ৰাছিয়াৰ লুনা-২৫ চন্দ্ৰযান শুকুৰবাৰে ৰাছিয়াৰ মহাকাশ গৱেষণা কেন্দ্ৰৰ পৰা চন্দ্ৰলৈ উৰা মাৰে (Russian Luna-25 takes off to the moon on Friday)। গন্তব্যস্থান চন্দ্ৰৰ দক্ষিণ মেৰু।
চন্দ্ৰৰ দক্ষিণ মেৰুৰ দিশে আগবাঢ়িছে ভাৰতৰ চন্দ্ৰযান-৩। কিন্তু ভাৰতক প্ৰতিদ্বন্দ্বিতা আগবঢ়াবলৈ সাজু হৈছে ৰাছিয়াৰ লেণ্ডাৰ। ৰাছিয়াই দাবী কৰিছে যে তেওঁলোকৰ লেণ্ডাৰখন চন্দ্ৰযান-৩ৰ প্ৰায় একে সময়তে চন্দ্ৰত অৱতৰণ কৰাৰ কথা। সেই ক্ষেত্ৰত কোনে প্ৰথমে দক্ষিণ মেৰুত উপনীত হয়, কাৰ অভিযান সফল হয়, ইতিমধ্যে তাৰ প্ৰতিযোগিতাৰ পৰিৱেশ সৃষ্টি হৈছে।
ৰাছিয়াৰ মহাকাশ গৱেষণা সংস্থা ৰস্কোচমছে দাবী কৰিছে যে উৎক্ষেপণৰ পাঁচ দিনৰ ভিতৰত লুনা-২৫ চন্দ্ৰৰ কক্ষপথত উপনীত হʼব। ইয়াৰ পিছত চন্দ্ৰৰ কক্ষপথেৰে দক্ষিণ মেৰুত উপনীত হʼবলৈ আৰু পাঁচৰ পৰা সাত দিন লাগিব।
লগতে ৰাছিয়াই উল্লেখ কৰিছে যে ৰাছিয়াৰ লেণ্ডাৰখনে ভাৰতৰ চন্দ্ৰ অভিযানৰ বাটত অৱতৰণৰ সময় প্ৰায় একে হোৱাৰ পিছতো কোনো ধৰণৰ বাধাৰ সৃষ্টি নকৰে। লগতে চন্দ্ৰযান-৩ আৰু লুনা-২৫ৰ সংঘৰ্ষৰ সম্ভাৱনাও নাই।
চন্দ্ৰযান-৩ৰ পূৰ্বে যদি লুনা-২৫ চন্দ্ৰৰ অন্বেষিত দক্ষিণ মেৰুত সফলতাৰে অৱতৰণ কৰিব পাৰে তেন্তে ইতিহাস ৰচনা হʼব। দক্ষিণ মেৰুলৈ সফল অভিযানৰ কৃতিত্ব সেই ক্ষেত্ৰত ৰাছিয়ালৈও যাব।
