প্ৰায় দুমাহ ধৰি বিজেপি চৰকাৰ আৰু কেন্দ্ৰই মণিপুৰৰ হিংসাত্মক (Violence in Manipur) পৰিস্থিতি নিয়ন্ত্ৰণলৈ আনিব পৰা নাই। ইয়াৰ মাজতে অসমৰ মুখ্যমন্ত্ৰী হিমন্ত বিশ্ব (Himanta Biswa Sarma)ই কংগ্ৰেছ নেতা ৰাহুল গান্ধীৰ মণিপুৰ ভ্ৰমণ (Rahul Gandhi’s visit to Manipur) সন্দৰ্ভত মন্তব্য কৰিছে। শুকুৰবাৰে ৰাহুলৰ মণিপুৰ ভ্ৰমণৰ কথা উল্লেখ কৰি তেওঁ মন্তব্য কৰে, কোনো ৰাজনৈতিক নেতাই হিংসাক লৈ ফায়দা উঠাবলৈ চেষ্টা কৰিব নালাগে।
ৰাহুলৰ এই ভ্ৰমণে মণিপুৰলৈ শান্তি অনাত সহায় নকৰে বুলি উল্লেখ কৰি অসমৰ মুখ্যমন্ত্ৰীয়ে কয়, ‘সাধাৰণতে এনে ভ্ৰমণ প্ৰচাৰৰ বাবে হয়।’ ইফালে মণিপুৰ ভ্ৰমণৰ দ্বিতীয় আৰু অন্তিমদিনা অৰ্থাৎ শুকুৰবাৰে পুৱা ৰাহুলে শৰণাৰ্থী শিবিৰ পৰিদৰ্শন কৰে মৈৰাং অঞ্চল। হিংসাত বিচ্ছিন্ন হৈ পৰা পৰিয়ালৰ সৈতে কথা পাতে। কংগ্ৰেছৰ সূত্ৰ অনুসৰি, তেওঁ দুপৰীয়া ইম্ফল অঞ্চলৰ আন কিছুমান শিবিৰ পৰিদৰ্শন কৰিব।
দিল্লীলৈ যোৱাৰ পূৰ্বে ৰাহুলে মণিপুৰ প্ৰদেশ কংগ্ৰেছ ভৱনতো সংবাদমেল অনুষ্ঠিত কৰিব পাৰে।উল্লেখযোগ্য যে কংগ্ৰেছৰ বিজেপিত যোগদান কৰাৰ পিছৰে পৰা ধাৰাবাহিকভাৱে কংগ্ৰেছক টাৰ্গেট কৰি আহিছে হিমন্ত বিশ্ব শৰ্মাই। যোৱা বছৰ ভাৰত জোড়ো যাত্ৰাৰ সময়ত কংগ্ৰেছ নেতাগৰাকীক উদ্দেশ্য কৰি তেওঁৰ তীব্ৰ মন্তব্য আছিল, “ৰাহুলক এতিয়া চাদ্দাম হুছেইনৰ দৰে দেখা গৈছে।”
