অসমৰ বান (Assam Flood) পৰিস্থিতিৰ ক্ৰমান্বয়ে অৱনতি ঘটিছে। ২২ খন জিলাৰ ৪ লাখ ৯৬ হাজাৰ লোক সমস্যাত (4 lakh 96 thousand people affected) পৰিছে। আনহাতে, বানৰ ফলত এজন লোকৰ মৃত্যু (death one person) হৈছে। ৰাজ্যিক দুৰ্যোগ ব্যৱস্থাপনা বিভাগৰ প্ৰতিবেদন অনুসৰি, বাক্সা জিলাৰ তামুলপুৰত মৃত্যু হয় ব্যক্তিজনৰ। বজালীত বানপানীৰ ফলত আটাইতকৈ বেছি ক্ষতিগ্ৰস্ত হৈছে বুলিও প্ৰতিবেদনত উল্লেখ কৰা হৈছে। জিলাখনত বানপানীৰ বাবে ২ লাখ ৬০ হাজাৰ লোকৰ জীৱন ব্যাহত হৈছে।
ৰাজ্যিক দুৰ্যোগ ব্যৱস্থাপনা বিভাগৰ প্ৰতিবেদন অনুসৰি, ক্ষতিৰ ক্ষেত্ৰত বজালীৰ পিছতেই নলবাৰী জিলা। জিলাখনত ৭৭ হাজাৰ ৭০২ জনৰ জনজীৱন ব্যাহত হৈছে। বৰপেটাত ৬৫ হাজাৰ ২২১ জন লোকৰ প্ৰাণ সংকটত পৰিছে। লখিমপুৰত ২৫ হাজাৰ ৬১৩ জন, বাক্সাত ১৪ হাজাৰ ২৩ জন, তামুলপুৰত ১৯ হাজাৰ ২০৮ জন, দৰঙত ১৩ হাজাৰ ৭০৪ জন, কোকৰাঝাৰত ৬ হাজাৰ ৫৩৮ জন বানত ক্ষতিগ্ৰস্ত হৈছে। বানাক্ৰান্ত জিলাৰ ১৪০৯১.৯০ হেক্টৰ কৃষিভূমি পানীৰ তলত আছে।
