অসমৰ বান (Assam floods) পৰিস্থিতি আৰু অধিক ভয়াৱহ (More frightening) হৈছে। অবিৰত বৰষুণৰ ফলত নতুন নতুন অঞ্চল পানীৰ তলত। জনজীৱন বিঘ্নিত, বিঘাৰ পিছত বিঘা ভূমিৰ শস্য পানীৰ তলত। নামনি অসমৰ নলবাৰী জিলাত আটাইতকৈ ভয়াৱহ পৰিস্থিতি (Worst-case scenario in Nalbari district)। জিলাখনত ১০৮খন গাঁৱৰ ৪৫ হাজাৰ লোক গৃহহীন হৈ সাহায্য শিবিৰত আশ্ৰয় লৈছে। অসমত বানাক্ৰান্ত লোকৰ সংখ্যাই অতিক্ৰম কৰিছে ১ লাখ ২০ হাজাৰ।
অবিৰত বৰষুণৰ বাবে ওফন্দি উঠিছে ব্ৰহ্মপুত্ৰ নদী। বহু উপনৈ ফেনে-ফটোকাৰে ওফন্দি উঠিছে। পানীত জাহ গৈছে বাসগৃহ। ৰাজ্যৰ দুৰ্যোগ ব্যৱস্থাপনা কৰ্তৃপক্ষই জনোৱা মতে, ১০খন জিলাত ১ লাখ ১৯ হাজাৰ ৮০০ লোক ক্ষতিগ্ৰস্ত হৈছে।
বানপানীৰ ফলত আটাইতকৈ বেছি ক্ষতিগ্ৰস্ত হোৱা জিলাসমূহৰ ভিতৰত আছে বাক্সা, বৰপেটা, দৰং, ধেমাজি, ধুবুৰী, কোকৰাঝাৰ, লখিমপুৰ, শোণিতপুৰ, ওদালগুৰি আৰু নলবাৰী। পৰিস্থিতি আটাইতকৈ ভয়াৱহ হৈ পৰিছে নলবাৰীত। জিলাখনৰ ১০৮ খন গাঁও সম্পূৰ্ণ পানীৰ তলত। ঘৰ এৰিবলগীয়া হৈছে ৪৫ হাজাৰ লোকে। ইয়াৰে কিছুমানক সাহায্য শিবিৰত ৰখা হৈছে। বেছিভাগ মানুহেই সকলো হেৰুৱাই পথৰ ওখ অংশত আশ্ৰয় লৈছে।
ভূটানৰ পৰা বৈ অহা পাগলাদিয়া নদীক লৈ চিন্তিত হৈ পৰিছে নলবাৰী জিলা। বিগত ২৪ ঘণ্টাত পাগলাদিয়াৰ জলপৃষ্ঠ বহু পৰিমাণে বৃদ্ধি পাইছে। পাহাৰত অধিক বৰষুণ হʼলে ইয়াৰ প্ৰভাৱ ভৈয়াম অঞ্চলতো পৰিব। বতৰ বিজ্ঞান বিভাগৰ পূৰ্বাভাস অনুসৰি, আগন্তুক কেইদিনমানলৈ অসমত বৰষুণ অব্যাহত থাকিব। আনহাতে, বানপানীৰ বাবে বহু ঠাইত খহিছে পথ। কিছু ঠাইত ৰাষ্ট্ৰীয় ঘাইপথো পানীৰ তলত।
