গুজৰাট আৰু পাকিস্তানৰ (Gujaraj & Pakistan) মধ্যৱর্তী উপকূলৰ ওপৰেদি বৃহস্পতিবাৰে সন্ধ্যা ১৫০ কি:মি: বেগেৰে বলিব ধুমুহা (Storm will hit at a speed of 150 km)। সেই সময়ত ঘূৰ্ণিবতাহ ‘বিপর্যয়’ (Cyclone Biparjay) স্থলভাগত প্রবেশ কৰিব আৰু উত্তৰ দিশে অগ্রসৰ হ’ব বুলি জনাইছে বতৰ বিজ্ঞান বিভাগে। ঘূর্ণিবতাহৰ প্রভাৱত গুজৰাটসহ দেশৰ পশ্চিম উপকূলত ইতিমধ্যে সমুদ্র উত্তাল হৈ উঠিছে। আৰম্ভ হৈছে প্ৰবল বৰষুণ। উপকূলীয় অঞ্চলবোৰত বহু ক্ষয়-ক্ষতিৰ আশঙ্কা কৰা হৈছে। বহু এলেকাত ৰেড এলাৰ্ট জাৰি কৰা হৈছে।
‘বিপর্যয়’ৰ ফলত গুজৰাটৰ উপকূলীয় অঞ্চলত বহু ৰে’ল বাতিল কৰা হৈছে। বৃহস্পতিবাৰ পর্যন্ত গুজৰাটগামী অথবা গুজৰাটৰ পৰা ৰাওনা হ’বলগা ৯৫ খন ৰে’ল বাতিল কৰা হৈছে। বহু ৰে’লৰ গতিপথ সংক্ষিপ্ত কৰিছে পশ্চিম ৰে’লৱেয়ে। ইয়াৰ ফলত যাত্রীসকলৰ হাৰাশাস্তি হৈছে। গুজৰাটত ধুমুহাৰ তাণ্ডৱত ব্যাহত হৈছে যোগাযোগ ব্যৱস্থাও।
বিগত দুদিনত উপকূলীয় অঞ্চলৰ পৰা ৩৭ হাজাৰোধিক লোকক নিৰাপদ স্থানলৈ আঁতৰাই নিয়া হৈছে। গুজৰাটৰ উপকূলত মোতায়েন কৰা হৈছে ৰাষ্ট্ৰীয় বিপর্যয় মোকাবিলা বাহিনীৰ ১৭টা দল আৰু ৰাজ্যিক বিপর্যয় মোকাবিলা বাহিনীৰ ১২ টা দল। যুদ্ধকালীন তৎপৰতাত তেওঁলোকে উদ্ধাৰকাৰ্য চলাইছে।
