Jammu Accident I জম্মুত দলঙৰ পৰা বাগৰিল ৭৫ যাত্ৰীসহ বাছ! নিহত কমেও ৮

জম্মুত (Jammu) সংঘটিত হৈছে ভয়ংকৰ বাছ দুৰ্ঘটনা (Accident)। ৰাষ্ট্ৰীয় ঘাইপথৰ পৰা যাত্ৰী কঢ়িওৱা এখন বাছ তলত বাগৰি পৰে। আৰক্ষীৰ সূত্ৰ অনুসৰি, বাছখনত মুঠ ৭৫ জন যাত্ৰী আছিল। সংবাদ সংস্থা পিটিআইৰ বাতৰি অনুসৰি, ইয়াৰে কমেও ৮ জনৰ মৃত্যু হৈছে। আন বহু লোক আহত হয়।

মঙলবাৰে পুৱা পঞ্জাবৰ অমৃতসৰৰ (Punjab Amritsar) পৰা পৰ্যটক কঢ়িয়াই অনা এখন দীৰ্ঘ দূৰত্বৰ বাছ কাটৰা অভিমুখে গৈ আছিল। মূলত বাছখনত তীৰ্থযাত্ৰীসকল কাটৰাৰ বৈষ্ণোদেৱী মন্দিৰলৈ গৈছিল। জম্মু-শ্ৰীনগৰ ৰাষ্ট্ৰীয় ঘাইপথত বাছখন যাত্ৰা কৰি থকা অৱস্থাত সংঘটিত হয় এই দুৰ্ঘটনা। দলঙৰ ওপৰত নিয়ন্ত্ৰণ হেৰুৱায় চালকজনে। ফলত বাছখন ওলোটা হৈ দলঙৰ পৰা বাগৰি পৰে। কাটৰাৰ পৰা এই দুৰ্ঘটনাস্থলীৰ দূৰত্ব কমেও ১৫ কিলোমিটাৰ।

উক্ত স্থানৰ ছবিত দেখা গৈছে ৰাষ্ট্ৰীয় ঘাইপথৰ তলত বাছখন বাগৰি পৰে। ইয়াৰ সন্মুখৰ অংশটো সম্পূৰ্ণ চেপেটা হৈ গৈছে। বাছখনৰ ভিতৰত আবদ্ধ হৈ থকা যাত্ৰীসকলক উদ্ধাৰৰ প্ৰচেষ্টা অব্যাহত আছে। অঞ্চলটোত বহু লোকৰ সমাগম ঘটিছে।খবৰ অনুসৰি, এই দুৰ্ঘটনাত ২০ জনতকৈ অধিক যাত্ৰী আহত হয়। চিকিৎসাৰ বাবে জম্মুৰ এখন চিকিৎসালয়লৈ তেওঁলোকক প্ৰেৰণ কৰা হৈছে। আহতসকলৰ একাংশৰ অৱস্থা সংকটজনক।