কাৰবি আংলং (Karbi Anglong) জিলাৰ অসম-নাগালেণ্ড সীমান্তত আৰক্ষী-চি আৰপিএফৰ যৌথ অভিযানত উদ্ধাৰ হৈছে বুজন পৰিমানৰ সন্দেহযুক্ত হেৰ’ইন ৷ প্ৰাপ্ত খবৰ অনুসৰি এক গোপন খবৰৰ ভিত্তিত মঙলবাৰে এক খবৰৰ ভিত্তিত বোকাজান (Bokajan) মহকুমা আৰক্ষী বিষয়া জন দাসৰ নেতৃত্বত খটখটী (Khatkhati) থানাৰ অ’চি ৰমেন বৰদলৈ, থানা ষ্টাফ লগতে চি-20 চিআৰপি এফৰ সহযোগত খটখটী থানা এলেকাৰ জনক পুখুৰী এলেকাত এক অভিযান চলাই উদ্ধাৰ কৰে বুজন পৰিমানৰ হেৰ’ইন (Heroin seized)৷
তালাচী কালত দুটা সৰবৰাহকাৰীৰ (Two suppliers) কৱলৰ পৰা ৮৫টা চাবোনৰ বাকচত কঢ়িয়াই আনি থকা অৱস্থাত ১ কেজি ৪১ গ্ৰাম সন্দেহযুক্ত হেৰ’ইন উদ্ধাৰ কৰিবলৈ সক্ষম হয়৷ সন্দেহযুক্ত হেৰ’ইনখিনিৰ সৈতে আৰক্ষীয়ে মণিপুৰ সেনাপতি জিলাৰ চিংমাই গাঁৱৰ মৃত মিচালাল ৰৱাৰ পত্নী গ্ৰেচি ৰৱা (৩৮) আৰু খটখটী থানা এলেকাৰ বালিজান ইউনাইটেড ভিলেজত শুক্লাৰ প্ৰসাদৰ পুত্ৰ জৈন প্ৰসাদৰ পুত্ৰ (২৮) বছৰক আটক কৰিবলৈ সক্ষম হয়৷ সৰবৰাহকাৰীৰ কেইটাৰ পৰা আৰক্ষীয়ে NL-0R-5574 নম্বৰৰ এটা মটৰ চাইকেলো আৰক্ষীয়ে জব্দ কৰে৷
উল্লেখযোগ্য যে, ধৃত মহিলা সৰবৰাহকাৰী গ্ৰেচি ৰৱা মণিপুৰ আৰু ডিমাপুৰৰ সৰবৰাহ কৰা ড্ৰাগছৰ আন্তঃৰাজ্যিক দুধৰ্ষ ড্ৰাগছ মাফিয়া বুলি আৰক্ষীৰ সূত্ৰত প্ৰকাশ পাইছে৷ জানিব পৰা মতে জব্দ কৰা সন্দেহযুক্ত হেৰ’ইনখিনিৰ আন্তৰ্জাতিক বজাৰ মূল্য প্ৰায় ৬ কোটি টকী হ’ব বুলি জানিব পৰা গৈছে৷
