বোমা নিষ্ক্ৰিয় কৰাৰ সময়তে বিস্ফোৰণত আহত হয় এজন সেনা জোৱান। মণিপুৰৰ ৰাজধানী ইম্ফল (Imphal in Manipur)ৰ পৰা ৬০ কিলোমিটাৰ দক্ষিণে অৱস্থিত বিষ্ণুপুৰ (Bishnupur) জিলাত সংঘটিত হয় এই ঘটনা। অসম ৰাইফলছে অঞ্চলটোত টহল দি আছিল। সেনাৰ মুখপাত্ৰই জনোৱা মতে, বোমাটো নিষ্ক্ৰিয় (bomb is inactive) কৰাৰ সময়ত এজন জোৱান আহত (Jawan injured) হয়।
মণিপুৰ ক্ৰমান্বয়ে ছন্দলৈ উভতিছে। কিন্তু বিক্ষিপ্ত অশান্তিৰ ঘটনা বন্ধ হোৱা নাই। শুকুৰবাৰে পুৱা বিষ্ণুপুৰত টহল দি আছিল সেনা। প্ৰসংগক্ৰমে, বৃহস্পতিবাৰে এই জিলাখনত সংঘটিত সন্ত্ৰাসবাদী আক্ৰমণত এজন আৰক্ষীৰ মৃত্যু হয়। আন চাৰিজন আহত হয়। ইয়াৰ পিছত আৰক্ষী আৰু সেনাৰ তালাচী অভিযান আৰম্ভ হয়।
শুকুৰবাৰে পুৱা টহল দিওঁতে আছাম ৰাইফলছৰ এজন জোৱানে বোমা নিষ্ক্ৰিয় কৰিবলৈ আৰম্ভ কৰে। সেই সময়ত বোমাটো বিস্ফোৰণ হয়। জোৱানজন আহত হয়। সেনাৰ হৈ তেওঁলোকৰ মুখপাত্ৰই জনোৱা মতে, স্থানীয়ভাৱে নিৰ্মিত বোমাটো নিষ্ক্ৰিয় কৰাৰ সময়তে এই বিস্ফোৰণটো সংঘটিত হয়। অৱশ্যে আঘাত গুৰুতৰ নহয়।
উত্তৰ-পূৱ মণিপুৰ বিগত কিছুদিন ধৰি উত্তপ্ত হৈ আছে। যোৱা ৩ মেʼত জনজাতীয় শোভাযাত্ৰাৰ পৰা অশান্তিৰ সৃষ্টি হয়। এই সংঘৰ্ষত বহু লোকৰ মৃত্যু হয়। পৰিস্থিতি নিয়ন্ত্ৰণৰ বাবে মণিপুৰৰ ৰাজপথত সেনাবাহিনী মোতায়েন কৰা হয়। ৰাজ্যত মুঠ ১২৮ জন জোৱান নিয়োগ কৰা হৈছে। অসম ৰাইফলছকে ধৰি প্ৰায় ১০ হাজাৰ জোৱানে এতিয়াও ৰাজ্যৰ বিভিন্ন প্ৰান্তত নজৰদাৰিৰ কাম কৰি আছে। তেনে কৰি থাকোঁতে আহত হয় অসম ৰাইফলছৰ এজন জোৱান।
