যোৱা নিশা প্ৰায় ১১-৪৫ মান বজাত ডিব্ৰুগড় (Dibrugarh)ৰ বৰবৰুৱা আৰক্ষী থানাৰ (Barbarooah Police Station) অধীনৰ বগীবিল আৰক্ষী থানাৰ (Bogibeel Police Station) অন্তৰ্গত বগীবিল দলঙৰ সংযোগী ৫২নং (বি) ৰাষ্ট্ৰীয় ঘাইপথত এখন আৰ্গ্যা টয়টা বাহনৰ সৈতে গ্লেমাৰ বাইকৰ হোৱা মুখামুখি সংঘৰ্ষৰ ঘটনাই অঞ্চলটোত চাঞ্চল্যৰ সৃষ্টি কৰিছে। উক্ত দুৰ্ঘটনাটোত গ্লেমাৰ বাইকত (Bike Accident) থকা দুই আৰোহী থিতাতে নিহত (Two riders killed) হয়।
উল্লেখ্য যে, বগীবিল ৫২ নং(বি) ৰাষ্ট্ৰীয় ঘাইপথৰে এএচ-০৬-এএ-০৯৬৭ নম্বৰৰ এখন গ্লেমাৰ বাইকেৰে বগীবিলৰ পৰা ডিব্ৰুগড় দিশে আহি থকাৰ সময়তে বিপৰীতে দিশৰ পৰা তীব্ৰ বেগেৰে যোৱা এএচ-০১-এফডি-২৫৭৮ নম্বৰৰ আৰ্গ্যা টয়টা গাড়ীখনে, বাইকখনত তীব্ৰ গতিত খুণ্ডা মৰাৰ ফলত বাইকত অহা ডিব্ৰুগড়ৰ জকাই ২৭ ঘৰীয়া কৈৱৰ্ত গাঁৱৰ মংগল লাল দাস(৪০) আৰু ভৱৰাম দাস(৩৪)ৰ ঘটনাস্থলীতেই মৃত্যু হয়। দুৰ্ঘটনাত নিহত মঙ্গল লাল দাসে পত্নী সহ দুই পুত্ৰ আৰু ভৱৰাম দাসে একমাত্ৰ পুত্ৰ কন্যা সহ পত্নী ইহসংসাৰত এৰি থৈ গৈছে।
আনহাতে, টয়টা বাহনখনে দুৰ্ঘটনা সংঘটিত কৰি ঘটনাস্থলীৰ পৰা পলায়ন কৰে। মন কৰিবলগীয়া যে, বগীবিলৰ উক্ত ঘাইপথটোত সঘনাই এনে পথ দুৰ্ঘটনা সংঘটিত হোৱাক লৈ স্থানীয় ৰাইজ ক্ষোভিত হৈ পৰে ডিব্ৰুগড় উপায়ুক্ত সহিতে প্ৰশাসনক উচিত ব্যৱস্থা গ্ৰহণৰ দাবী জনাইছে। বিগত ৩ বছৰ দিনে কোনো উচিত ব্যৱস্থা গ্ৰহণ নকৰাৰ ফলত এনে অনুৰূপ পথ দুৰ্ঘটনা সংঘটিত হয় আৰু বহু নিৰীহ লোকে নিজ প্ৰাণ হেৰুৱায় বুলি প্ৰকাশ কৰিছে অঞ্চলটোৰ ৰাইজে।
