নগাঁৱৰ লাওখোৱা ৰোডত (Laokhowa Road in Nagaon) সংঘটিত হৈছে এক শোকাৱহ পথ দুৰ্ঘটনা (Road accidents)। দিনৰ প্ৰায় ১১ মান বজাত AS-01-DD-1552 নম্বৰৰ এখন ট্ৰাকে এগৰাকী পথচাৰীক মহতিয়াই নিয়ে আৰু থিতাতে নিহত (one spot death) হয় ব্যক্তিগৰাকী।
মৃত্যু হোৱা ব্যক্তিজন লাওখোৱা ৰোডৰ লখিমী পথৰ নিবাসী তথা ডাক ঘৰৰ কৰ্মচাৰী লক্ষ্মীকান্ত কলিতা (Laxmikant Kalita) বুলি জানিব পৰা গৈছে। আনহাতে, দুৰ্ঘটনা সংঘটিত কৰা ট্ৰাক চালক নজৰুল ইছলামক স্থানীয় ৰাইজে উত্তেজিত হৈ উত্তম-মধ্যম সোধাই আৰক্ষীক গতাই দিয়ে। ট্ৰাকখনো নগাঁৱৰ যান বাহন আৰক্ষীয়ে জব্দ কৰে।
