কুমাৰ ভাস্কৰ বৰ্মা সংস্কৃত আৰু পুৰাতন অধ্যয়ন বিশ্ববিদ্যালয়ৰ নিৰ্দেশ ক্ৰমে সংস্কৃত ভাৰতীৰ সহযোগত নগাঁও চহৰৰ আমোলাপট্টি (Amolapatti in Nagaon) স্থিত বৃন্দাবনধাম দামোদৰ চতুষ্পাঠী (Vrindavadham Damodar Chatushpathi) (সংস্কৃত টোল) (Sanskrit School)ত যোৱা ১১ এপ্ৰিলৰ পৰা অনুষ্ঠিত হোৱা দহদিনীয়া সংস্কৃত সম্ভাষণ শিবিৰৰ (Sanskrit Greeting Camp) আজি সামৰণি পৰে। সংস্কৃত ভাৰতীৰ সহ-সম্পাদক সুমন শৰ্মা, চতুষ্পাঠীৰ ভাৰপ্ৰাপ্ত প্ৰধান অধ্যাপক ৰাজু শৰ্মা, শিক্ষয়িত্ৰী দেৱযানী ভট্টাচাৰ্য,জাহ্নৱী শৰ্মা, যতীন মিশ্ৰ আদিয়ে শিবিৰত প্ৰশিক্ষণ প্ৰদান কৰাৰ লগতে সহযোগিতা আগবঢ়ায়। শিবিৰত অংশগ্ৰহণ কৰা সমল ব্যক্তিসকলে সংস্কৃত ভাষাক ভাৰতীয়ৰ মূল ভাষা বুলি উল্লেখ কৰি এই ভাষাৰ প্ৰয়োজনীয়তাৰ ওপৰত ব্যখ্যা দাঙি ধৰে। বিশেষকৈ নৱ-প্ৰজন্মক সংস্কৃত ভাষাৰ প্ৰতি আকৃষ্ট হ’বৰ বাবে শিবিৰত অংশগ্ৰহণ কৰা প্ৰতিগৰাকী ব্যক্তিয়ে আহ্বান জনায় ।
আজি শিবিৰৰ সামৰণি অনুষ্ঠানত সংস্কৃত ভাৰতীৰ অসম প্ৰান্তৰ সাংগঠনিক মন্ত্ৰী ভৱেন শইকীয়া আৰু হাতীচোং সঞ্জীৱনী সংস্কৃত টোলৰ ভাষা শিক্ষক মন্টুল শৰ্মাই বিশিষ্ট অতিথি হিচাপে অংশগ্ৰহণ কৰি সংস্কৃত ভাষাৰ প্ৰসাৰৰ ওপৰত গুৰুত্ব আৰোপ কৰে। উল্লেখ্য যে বৃন্দাবনধাম দামোদৰ চতুষ্পাঠীৰ (সংস্কৃত টোল) পৰিচালনা আৰু উন্নয়ন সমিতিৰ সভাপতি ৰবীন্দ্ৰ নাথ শৰ্মাই উদ্বোধনী ভাষণ প্ৰদান কৰা শিবিৰটো বন্তি প্ৰজ্বলন কৰি মুকলি কৰে চতুষ্পাঠীৰ প্ৰাক্তন প্ৰধান অধ্যাপক অশোক কুমাৰ শৰ্মাই। শিবিৰৰ আৰম্ভণিতে ছাত্ৰ-ছাত্রীসকলে সৰস্বতী বন্দনা কৰে।
