অসম চৰকাৰ (Assam Government)ৰ সাংস্কৃতিক পৰিক্ৰমা বিভাগৰ (Department of Cultural Affairs) দ্বাৰা বুধবাৰে শ্ৰীমন্ত শংকৰদেৱ কলাক্ষেত্ৰ প্ৰেক্ষাগৃহত আয়োজিত এক অনুষ্ঠানত ৰাজ্যৰ মুঠ ২,১১৪খন বিহু সমিতি (Bihu Committee)ক ১.৫ লাখ টকাকৈ এককালীন বিত্তীয় সাহায্য (1.5 Lakhs One-time financial assistance) আনুষ্ঠানিকভাৱে বিতৰণ কৰে মুখ্যমন্ত্ৰী ডঃ হিমন্ত বিশ্ব শৰ্মা (Himenta Biswa Sarma)ই।
উল্লেখ্য, বিগত বছৰৰে পৰা বিহু সমিতিসমূহক বিত্তীয় সাহায্য প্ৰদান কৰাৰ এই কাৰ্য্যসূচী গ্ৰহণ কৰা হৈছে। এই আঁচনিখন ৰাজ্যখনৰ খিলঞ্জীয়া সম্প্ৰদায়ৰ সংস্কৃতি, বিশ্বাসৰ সুৰক্ষা অধিক শক্তিশালী কৰাৰ ক্ষেত্ৰত অসম চৰকাৰে এই আঁচনি গ্ৰহণ কৰা বুলি মুখ্যমন্ত্ৰীয়ে প্ৰকাশ কৰে। বিত্তীয় সাহায্য প্ৰদান কৰি দিয়া নিজৰ ভাষণত মুখ্যমন্ত্ৰীয়ে কয়, “মই আশাবাদী যে আমাৰ চৰকাৰৰ এই পদক্ষেপে নিৰ্বাচিত বিহু সমিতিসমূহক অসমৰ বৰ্ণিল সাংস্কৃতিক ক্ষেত্ৰত বিহুৰ গুৰুত্বৰ সৈতে খাপ খোৱাকৈ তেওঁলোকৰ নিজ নিজ বিহু অনুষ্ঠানসমূহ সন্মানজনকভাৱে আয়োজন কৰাত সহায় কৰিব।”
আজিৰ অনুষ্ঠানত সাংস্কৃতিক পৰিক্ৰমা বিভাগৰ মন্ত্ৰী বিমল বড়া, সাংসদ কুইন ওজা, কাৰ্বি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য তুলিৰাম ৰংহাং আৰু বিধায়ক ড° পৰমানন্দ ৰাজবংশীকে ধৰি অন্যান্য বিশিষ্ট ব্যক্তিসকল উপস্থিত থাকে।