ASSAM TIMES POST
উৎপল দাস, গোলাঘাটঃ গোলাঘাটৰ শ্ৰী সত্য সাই সেৱা সমিতি আৰু সত্য সাই বিদ্যা বিহাৰ বিদ্যালয়ৰ যৌথ উদ্যোগত যোৱা ২০ নৱেম্বৰৰ পৰা চাৰি দিনীয়া কাৰ্য্যসূচীৰে ভগৱান সত্য সাই বাবাৰ ৯৪ সংখ্যক জন্ম জয়ন্তী পালন কৰা হয়। কাৰ্যসূচী অনুসৰি ২০ নৱেম্বৰৰ পৰা ২৩ নৱেম্বৰলৈকে পুৱা ৪:৩০ বজাত ঔংকাৰ সুপ্ৰভাতম তথা নগৰ সংকীৰ্তণ কৰা হয়।
আনহাতে ২৩ নৱেম্বৰ অৰ্থাৎ শনিবাৰে পুৱা ৯: ৩০ বজাত ডাঃ গিৰিধৰ ফুকনৰ দ্বাৰা বন্তি প্ৰজ্বলন, দহ বজাত দেৱানন্দ গগৈৰ দ্বাৰা প্ৰশান্তি ধ্বজাৰোহণ, ১০:৩০ বজাত বিপুল ৰাজকুমাৰৰ দ্বাৰা সৎনাম পাঠ, ১১ বজাত গোলাঘাটৰ শ্বহীদ কুশল কোঁৱৰ অসামৰিক চিকিৎসালয়ৰ ৰোগীসকলৰ মাজত শিক্ষয়িত্ৰী বৰ্ণালী ফুকন আৰু ছাত্ৰ ছাত্ৰী সকলৰ দ্বাৰা ফলমূল বিতৰণ, দুপৰীয়া নাৰায়ণ সেৱা কৰা হয়৷ সন্ধিয়ালৈ ৯৪ গছি বন্তি প্ৰজ্বলনেৰে অনুষ্ঠানটিৰ সামৰণি পৰিব৷ সমূহ কাৰ্যসূচীত সহায় সহযোগিতা আগবঢ়োৱা সকলোলৈকে আন্তৰিক ধন্যবাদ আৰু কৃতজ্ঞতা জ্ঞাপন কৰে উদ্যোক্তা সকলৰ হৈ চন্দ্ৰকান্ত বৰুৱা আৰু বিপুল ৰাজকুমাৰে।
