মধ্যপ্ৰদেশ (Madhya Pradesh)ৰ ৩০ হাজাৰৰো অধিক বাসিন্দাই শিশুৰ ওপৰত যৌন নিৰ্যাতনৰ (Sexual harassment) বিভিন্ন ভিডিঅ’ আৰু নীলা ছবি (Blue Film) ছচিয়েল মিডিয়াত শ্বেয়াৰ (Shared on social media) কৰিছে। নেচনেল চেণ্টাৰ ফৰ মিছিং এণ্ড এক্সপ্লোইটেড চিলড্ৰেন (এনচিএমইচি) নামৰ আমেৰিকাৰ এটা বেচৰকাৰী সংস্থাই সেই বাসিন্দাসকলক চিনাক্ত কৰা বুলি দাবী কৰে।
এনচিএমইচিৰ তথ্যৰ ভিত্তিত অভিযুক্তৰ বিৰুদ্ধে ব্যৱস্থা গ্ৰহণ কৰিব মধ্যপ্ৰদেশ আৰক্ষীয়ে। মঙলবাৰে দেশৰ এখন বাতৰিকাকতত এনে দাবী উত্থাপন হৈছে।‘টাইমছ অব ইণ্ডিয়াʼত প্ৰকাশিত এক প্ৰতিবেদন অনুসৰি, মধ্যপ্ৰদেশত শিশুৰ বিষয়ে অনলাইনত অশ্লীল উপাদান ডাউনলোড, আপলোড আৰু শ্বেয়াৰ কৰাৰ অভিযোগত আৰক্ষীয়ে ৪ হাজাৰৰো অধিক অভিযুক্তক গ্ৰেপ্তাৰ কৰিবলৈ আৰম্ভ কৰিছে।
বাকী ২৬ হাজাৰ অভিযুক্তৰ তথ্যৰ ওপৰত চোকা দৃষ্টি ৰখা হৈছে। ৪ হাজাৰৰো অধিক অভিযুক্তৰ ভিতৰত ২০০০ ইন্দোৰৰ বাসিন্দা। আনহাতে, ভূপালত ১০০০ আৰু ৰাজ্যৰ গোৱালিয়ৰ, ধৰ আৰু খাৰগোণৰ মাজৰ আন চহৰবোৰত ৫০০ৰ পৰা ৬০০টা এনে গোচৰ আছে বুলি আৰক্ষীয়ে প্ৰকাশ কৰিছে।
নিৰুদ্দেশ হোৱা শিশুৰ ওপৰত হোৱা যৌন নিৰ্যাতনৰ তথ্য এনচিএমইচিৰ পৰা লাভ কৰিবলৈ নেচনেল ক্ৰাইম ৰেকৰ্ডছ ব্যুৰোৱে এক বুজাবুজি চুক্তি স্বাক্ষৰ কৰে। ২০১৯ চনৰ ২৮ ফেব্ৰুৱাৰীত প্ৰধানমন্ত্ৰী নৰেন্দ্ৰ মোদীৰ নেতৃত্বত কেন্দ্ৰীয় কেবিনেটে অনুমোদন জনাইছিল। তেতিয়াৰ পৰাই এনচিএমইচিয়ে ‘চাইবাৰ্টিপলাইন ৰিপোৰ্ট’ নামেৰে এনে তথ্য এনচিআৰবিক গতাই দি আহিছে।
শেহতীয়াকৈ এনচিআৰবিয়ে আমেৰিকাৰ সংস্থাটোৰ পৰা এনে বিষয়বস্তু চোৱা ৩০ হাজাৰতকৈ অধিক অভিযুক্ত ব্যক্তিৰ স্থান, আইপি ঠিকনা আৰু ডিভাইচৰ বিষয়ে তথ্য লাভ কৰিছে। ইয়াৰ পিছত মধ্যপ্ৰদেশৰ চাইবাৰ ক্ৰাইম শাখাৰ মুখ্য কাৰ্যালয়লৈ প্ৰেৰণ কৰা হয়। এই তথ্যৰ ভিত্তিত মধ্যপ্ৰদেশৰ বিভিন্ন আৰক্ষী অধীক্ষকে তেওঁলোকক ব্যৱস্থা গ্ৰহণৰ বাবে লাভ কৰিছে।
নাম প্ৰকাশ নোপোৱা মধ্যপ্ৰদেশ আৰক্ষীৰ এগৰাকী শীৰ্ষ বিষয়াই ‘দ্য টাইমছ অব ইণ্ডিয়া’ক কয়, “৪ হাজাৰ অভিযুক্তক গ্ৰেপ্তাৰ কৰাটো অতি কঠিন আৰু সময়সাপেক্ষ কাম। ভিডিঅ’বোৰত দেখা পোৱা শিশুকেইটা অন্য দেশৰ। বিভিন্ন ছচিয়েল মিডিয়াত ডাউনলোড, আপলোড আৰু শ্বেয়াৰ কৰা হৈছে।”