ASSAM TIMES POST
ডিফুঃ ভাৰতীয় সেনা বাহিনীৰ ৰেড হৰ্ণ ডিভিজন খেৰণিস্থিত সেনা শিবিৰৰ তৰফৰ পৰা পশ্ছিম কাৰবি আংলং জিলাৰ খেৰণিস্থিত লিটল ডনবস্ক’ হাই স্কুলত এক বৃক্ষ ৰোপন কাৰ্যসূচী ৰূপায়ণ কৰে ৷
সেনাবাহিনীৰ তৰফৰ পৰা এক বিবৃতি যোগে জানিবলৈ দিয়া অনুসৰি ভৱিষ্যত প্ৰজন্মৰ বাবে পৃথিৱী সংৰক্ষণৰ প্ৰয়োজনীয়তাৰ সম্পৰ্কে ছাত্ৰ-ছাত্ৰীৰ মাজত সজাগতা সৃষ্টি কৰাৰ লগতে সমাজত পৰিবেশ সংৰক্ষণৰ সজাগতা সৃষ্টি কৰা উদ্দেশ্যে আয়োজন কৰা উক্ত অনুষ্ঠানত সেনাৰ বিষয়া জোৱানৰ লগতে বিদ্যালয় খনৰ শিক্ষক- শিক্ষয়িত্ৰী আৰু ছাত্ৰ-ছাত্ৰী আৰু ভালে সংখ্যক স্থানীয় লোকে অংশ গ্ৰহণ কৰে ৷আজি বিদ্যালয়ৰ চৌহদখনত ১৫০ টা গছ পুলি ৰোপন কৰা হয় বুলি বিবৃতিটোত প্ৰকাশ ৷
