ASSAM TIMES POST
উৎপল দাস, গোলাঘাটঃ বিগত দুমাহ দিনধৰি সমগ্ৰ মৰঙী মৌজাতে বনৰীয়া হাতীৰ জাকে সন্ত্ৰাস চলাই থকাৰ পাছতো চৰকাৰ তথা প্ৰশাসনে আজিকোপতি দুখীয়া খেতিয়কৰ কাষত থিয় নোহোৱাৰ অভিযোগ উত্থাপিত কৰিছে মৰঙিবাসীয়ে৷ বিগত দুমাহে হাতীৰ উপদ্ৰৱত জজৰিত দুৰ্ভগীয়া মৰঙীবাসীৰ কাষত এবাৰ থিয় দিবলৈ আহৰি নাপালে বিধায়িকা ৰৌজলীনা তীৰ্কিয়ে৷
ক’ত হেৰাল স্থানীয় তথা সৰুপথাৰ সমষ্টিৰ বিধায়িকা৷ তাক লৈ ৰাইজৰ মাজত প্ৰশ্ল উত্থাপিত হৈছে৷ উল্লেখযোগ্য যে দুই শতাধিক বনৰীয়া হাতীৰ জাকে কেইবাটাও জাকত বিভক্ত হৈ সমগ্ৰ মৰঙি মৌজাতে শ শ বিঘা ধানখেতি পথাৰ তহিলং কৰিছে। যাৰ বাবে এতিয়া দুখীয়া কৃষকৰ মাজত হাহাকাৰ সৃষ্টি হৈছে। ইয়াৰ পাছতো প্ৰশাসনৰ কোনো লোক এই দুৰ্ভগীয়া কৃষক ৰাইজৰ কাষত থিয় নোহোৱাত ক্ষোভিত হৈ পৰিছে অঞ্চলবাসী৷ অন্যহাতে উক্ত অঞ্চলৰে মুৰফুলনীৰ এদল সচেতন যুৱকে গ্ৰহণ কৰা পদক্ষেপক সকলোৱে প্ৰশংসা কৰিছে৷
যিসময়ত হাতী-মানুহৰ সংঘাতে তীব্ৰৰূপ ধাৰণ কৰাৰ ফলত মানুহৰ প্ৰাণ হানি হৈছে আৰু বহু পৰিয়াল গৃহহীন হ’বলগা হৈছে৷ ইফালে বন্য জন্তুও মানুহৰ নিশংসতাৰ বলি হৈ মৃত্যুৰ মুখত পৰিবলগা অৱস্থাৰো সৃষ্টি হৈছে। তেনে সময়তে ফলঙনীৰ এচাম যুৱকে বনৰীয়া হাতীৰ বাবে নামবৰ বিজুলী বন্য প্ৰানী অভৰান্যত দুশৰো অধিক কলপুলি ৰোপন কৰি হাতী আৰু মানুহৰ সংঘাতৰ হ্ৰাস কৰাৰ প্ৰয়াস কৰিছে৷ ফলঙনী মুৰফুলনীৰ যুৱকসকলৰ এই মহানুভৱতাক সকলোৱে আদৰণি জনাইছে। উল্লেখ্য যে বগীজান আৰক্ষী থানা আৰু মুৰফুলনী বন বিভাগৰ লোকেও এইক্ষেত্ৰত পুৰ্ণ সহযোগিতা আগবঢ়োৱাৰ কথা জানিব পৰা গৈছে৷
