ASSAM TIMES POST
নতুন দিল্লীঃ অসমত উন্নীত ৰাষ্ট্ৰীয় নাগৰিক পঞ্জী প্ৰকাশ পোৱাৰ পাছত ৰাষ্ট্ৰজুৰি এনআৰচি উন্নীতকৰণৰ কথা মঙলবাৰে ৰাজ্যসভাত ঘোষণা কৰে কেন্দ্ৰীয় গৃহ মন্ত্ৰী অমিত শ্বাহে। তেওঁ কয় যে ইয়াকে লৈ কোনো লোকেই তেওঁ কি ধৰ্মৰ সেই কথা চিন্তা কৰিব নালাগে। যিসকল লোকৰ নাম এনআৰচিৰপৰা বাদ পৰিব, তেওঁলোকে তহচিল পৰ্যায়ত গঠিত ন্যায়াধীকৰণত আবেদন কৰিব পাৰিব। অসম চৰকাৰে এনআৰচিত নাম বাদ পৰা লোকসকলক আৱেদন দাখিল কৰিবলৈ বিত্তীয় সাহায্য আগবঢ়াব বুলি তেওঁ তাৎপৰ্যপূৰ্ণ মন্তব্য কৰে। শ্বাহৰ এই মন্তব্যই ভৱিষ্যতে যে অসমত এনআৰচি উন্নীতকৰণৰ কাম পুনৰ আৰম্ভ হ’ব, তাৰে সম্ভাৱনা প্ৰকট কৰিলে। এনআৰচিৰপৰা বাদ পৰা সকলক উকীল ধৰিবলৈও চৰকাৰে অৰ্থৰ যোগান ধৰিব বুলি তেওঁ কয়।
