ইজিপ্তৰ ৰাষ্ট্ৰপতি (President of Egypt) আব্দেল ফাত্তাহ আল চিচিয়ে (আব্দেল ফাত্তাহ আল চিচি) আজি গণৰাজ্য দিৱসৰ বিশেষ অতিথি (Republic Day Special Guest ) হিচাপে ভাৰতত উপস্থিত আছে। আজি প্ৰধানমন্ত্ৰী নৰেন্দ্ৰ মোদীয়ে তেওঁৰ সৈতে সাক্ষাৎ কৰে।
দিল্লীৰ হায়দৰাবাদ ভৱনত এই শীৰ্ষ দ্বিপাক্ষিক বৈঠকৰ অন্তত প্ৰধানমন্ত্ৰী মোদীয়ে কয় যে দুয়োখন দেশে প্ৰতিৰক্ষা খণ্ডত সহযোগিতা বৃদ্ধি কৰাৰ লগতে সন্ত্ৰাসবাদ বিৰোধী তথ্যৰ আদান-প্ৰদান শক্তিশালী কৰাৰ সিদ্ধান্ত গ্ৰহণ কৰিছে। ইয়াৰ উপৰি দ্বিপাক্ষিক বাণিজ্যৰ পৰিমাণ বৃদ্ধিৰ বিষয়েও আলোচনা কৰা হয়।
মোদীয়ে কয় যে আগন্তুক পাঁচ বছৰত ইজিপ্তৰ সৈতে বাণিজ্য ১২ বিলিয়ন ডলাৰলৈ বৃদ্ধি (Trade grows to $12 billion) কৰাৰ পৰিকল্পনা আছে। ইজিপ্তৰ ৰাষ্ট্ৰপতিৰ মতে, বৈঠকত প্ৰধানমন্ত্ৰী মোদীৰ সৈতে বাণিজ্য আৰু নিৰাপত্তাকে ধৰি বিভিন্ন আন্তঃৰাষ্ট্ৰীয় বিষয়ত আলোচনা কৰা হয়।
ইজিপ্তৰ ৰাষ্ট্ৰপতিগৰাকীৰ আগমন আৰু বৈঠক সন্দৰ্ভত বৈদেশিক পৰিক্ৰমা মন্ত্ৰালয়ৰ মুখপাত্ৰ অৰিন্দম বাগচিয়ে টুইট কৰি কয় যে ইজিপ্তৰ সৈতে আমাৰ বন্ধুত্ব গভীৰ। ইজিপ্ত হৈছে আফ্ৰিকাক এছিয়াৰ সৈতে সংযোগ কৰা প্ৰাকৃতিক দলং। প্ৰধানমন্ত্ৰী নৰেন্দ্ৰ মোদী আৰু ৰাষ্ট্ৰপতি আল চিচিয়ে ভাৰত আৰু ইজিপ্তৰ মাজত সম্পৰ্ক সুদৃঢ় কৰাৰ লক্ষ্যৰে আলোচনাত মিলিত হয়।
সভ্যতা, সাংস্কৃতিক আৰু অৰ্থনৈতিক সম্পৰ্কত বান্ধ খাই আছে দুয়োখন দেশ। ইয়াকে লৈ তৃতীয়বাৰৰ বাবে আল-চিচি ভাৰতলৈ আহিছে। ইয়াৰ পূৰ্বে ২০১৫ আৰু ২০১৬ চনত আহিছিল।আজি দুয়োখন দেশৰ মাজত কেইবাখনো চুক্তি স্বাক্ষৰিত ( Several agreements were signed) হৈছে।
যুৱ বিকাশৰ ক্ষেত্ৰত পাৰস্পৰিক সহযোগিতা, সাংস্কৃতিক বিনিময়, প্ৰযুক্তিৰ ক্ষেত্ৰত পাৰস্পৰিক সহযোগিতা, ৰাষ্ট্ৰীয় সংবাদ মাধ্যমৰ সম্প্ৰচাৰত পাৰস্পৰিক সহযোগিতা আৰু চাইবাৰ নিৰাপত্তাৰ ক্ষেত্ৰত দুয়োখন দেশে চুক্তি স্বাক্ষৰ কৰে। কাকতলীয়াকৈ কʼবলৈ গʼলে ইজিপ্ত আফ্ৰিকা আৰু ইউৰোপৰ বজাৰৰ অন্যতম মূল প্ৰৱেশদ্বাৰ। এই পৰিস্থিতিত ভাৰতে ইজিপ্তৰ সৈতে সম্পৰ্কৰ পৰিসৰ বৃদ্ধি কৰিবলৈ আগ্ৰহী।
