উত্তৰ প্ৰদেশ Uttar Pradesh ৰ লক্ষ্ণৌত Lakhnau ৰহস্যজনকভাৱে উদ্ধাৰ হৈছে এগৰাকী জোৱানৰ গুলীবিদ্ধ মৃতদেহ। এই সপ্তাহত অৰ্থাৎ ২৬ জানুৱাৰীত বিয়া ঠিক হৈ আছিল জোৱান গৰাকীৰ। ইতিমধ্যে তেওঁৰ পৰিয়াল বিয়াৰ যা-যোগাৰত ব্যস্ত হৈ থকাৰ লগতে দুই-এদিনতে চুটি লৈ ঘৰলৈ যোৱাৰ কথা আছিল পিএচিৰ জোৱানগৰাকী। জোৱান গৰাকীৰ নাম বিপিন কুমাৰ Bipin Kumar।
২০২১ বৰ্ষৰ পৰা কৰ্মৰত পিএচি জোৱান বিপিন কুমাৰে শুকুৰবাৰে মুখ্যমন্ত্ৰী আৱাসত নিজ কৰ্তব্য সম্পাদন কৰি সন্ধিয়া ৬ বজাত পিএচি বাহনেৰে ৰামাবাইত থকা কেম্পলৈ উভতিছিল যদিও সুস্থ শৰীৰে তেওঁ আহিব নোৱাৰিলে। বাহনখনতেই গুলীবিদ্ধ অৱস্থাত উদ্ধাৰ হ’ল জোৱান বিপিন কুমাৰৰ মৃতদেহ।
আৰক্ষীয়ে ঘটনা সন্দৰ্ভত এটা গোচৰ ৰুজু কৰি তদন্ত আৰম্ভ কৰাৰ সমান্তৰালকৈ মৃতদেহটো মৰণোত্তৰ পৰীক্ষাৰ বাবে প্ৰেৰণ কৰে।জোৱানজনৰ এনে আকস্মিক আৰু ৰহস্যজনক মৃত্যুক শোকাহত হৈ পৰিছে পৰিয়াল।
