প্ৰধানমন্ত্ৰী নৰেন্দ্ৰ মোদীয়ে Narendra Modi সকলো ৰাজ্যকে দেশৰ দ্ৰুত আৰু সৰ্বাংগীন, স্থায়ী অৰ্থনৈতিক বিকাশৰ লক্ষ্য লৈ আগবাঢ়ি যাবলৈ আহ্বান জনায়। আজি দেশৰ সকলো ৰাজ্যৰ মুখ্য সচিবসকলৰ বৈঠকত কেন্দ্ৰ আৰু ৰাজ্যৰ মাজত পাৰস্পৰিক সহযোগিতাৰ নীতি অনুসৰণ কৰি নতুন ভাৰত গঢ়াৰ বাবে কেন্দ্ৰৰ বিভিন্ন মন্ত্ৰালয়ৰ লগত খোজ মিলাবলৈ ৰাজ্যসমূহক অনুৰোধ জনায়।
যোৱা বছৰ প্ৰধানমন্ত্ৰীয়ে এই আহ্বান জনাইছিল দেশৰ মুখ্য সচিবৰ প্ৰথমখন বৈঠক, ধৰ্মশালাত। এইবাৰ নতুন দিল্লীত অনুষ্ঠিত হৈছে বৈঠক। এই বৈঠকত আলোচনা কৰা বিষয়সমূহ হʼল ক্ষুদ্ৰ, কুটিৰ আৰু মজলীয়া উদ্যোগৰ ওপৰত গুৰুত্ব দিয়া।
আন্তঃগাঁথনিগত বিনিয়োগ, বিনিয়োগৰ বিষয়সমূহৰ শিথিল কৰা, মহিলা সৱলীকৰণ, স্বাস্থ্য আৰু পুষ্টি আৰু দক্ষতা বিকাশ।
সূত্ৰ মতে, বৈঠকত প্ৰধানমন্ত্ৰীয়ে বিভিন্ন আন্তঃগাঁথনি প্ৰকল্পসমূহ সময়মতে সম্পূৰ্ণ কৰা, একাধিক ৰাজ্যৰ সৈতে জড়িত আন্তঃগাঁথনি প্ৰকল্পসমূহৰ ভূমি অধিগ্ৰহণৰ সমস্যাসমূহ আঁতৰোৱা আৰু উদীয়মান সমস্যাসমূহ নতুন ধৰণে সমাধান কৰাত গুৰুত্ব আৰোপ কৰে। মুখ্য সচিবসকলে তেওঁলোকৰ পূৰ্বৰ বৈঠকত ৫ ট্ৰিলিয়ন ডলাৰৰ অৰ্থনীতিৰ লক্ষ্যত উপনীত হোৱাৰ ওপৰত গুৰুত্ব আৰোপ কৰিছিল।
কিন্তু দেশৰ বিত্তীয় বৃদ্ধিৰ হাৰ এতিয়াও ৭ শতাংশতকৈ কম। স্বাধীনতাৰ এশ বছৰৰ ভিতৰত উচ্চ আয়ৰ দেশৰ তালিকাত প্ৰৱেশ কৰিবলৈ ৮ৰ পৰা ৮.৫ শতাংশ বৃদ্ধিৰ হাৰৰ প্ৰয়োজন। সেইখিনি লাভ কৰিবলৈ আন্তঃগাঁথনি, ক্ষুদ্ৰ আৰু মজলীয়া উদ্যোগ, কৃষি, দক্ষ শ্ৰমিকৰ ওপৰত গুৰুত্ব দিয়াৰ প্ৰয়োজন। যিটো কেৱল কেন্দ্ৰই কৰিব নোৱাৰে।
গতিকে ৰাজ্যসমূহক নিজৰ পক্ষত ৰখাৰ উদ্যোগ কেন্দ্ৰৰ। আজিৰ বৈঠক সন্দৰ্ভত প্ৰধানমন্ত্ৰীয়ে টুইটযোগে কয়, “বিভিন্ন গুৰুত্বপূৰ্ণ নীতি সন্দৰ্ভত আমাৰ মতামত প্ৰকাশৰ বাবে এয়া আদৰ্শ মঞ্চ।” সূত্ৰ অনুসৰি, মোদী চৰকাৰে পৰৱৰ্তী লোকসভাৰ পূৰ্বে বৈঠকত উত্থাপন হʼবলগীয়া বিষয়সমূহৰ স্পষ্ট ৰূপৰেখা প্ৰস্তুত কৰাৰ সিদ্ধান্ত লৈছে।ড়
