বালাজী মন্দিৰত সেৱাৰে মুখ্য ন্যায়াধীশৰ দায়িত্বৰপৰা অৱসৰ ল’লে ৰঞ্জন গগৈয়ে

ASSAM TIMES POST
তিৰুমালাঃ দেশৰ মুখ্য ন্যায়াধীশ ৰঞ্জন গগৈয়ে দেওবাৰে আনুষ্ঠানিকভাৱে অৱসৰ গ্ৰহণ কৰে। অৱসৰৰ এই দিনটোত তেওঁ পুৱাতে উপস্থিত হয়গৈ অন্ধ্ৰ প্ৰদেশৰ তিৰুমালা জিলাস্থিত বালাজী মন্দিৰত। তেওঁৰ পত্নী ৰূপাঞ্জলি গগৈ আৰু পৰিয়ালৰ অন্যান্যসকলক লগত লৈ গগৈয়ে প্ৰাৰ্থনা কৰে। ইয়াতে তেওঁ কেইবাজনো আধ্যাত্মিক গুৰুৰ সৈতে বাৰ্তালাপো কৰে। উল্লেখযোগ্য যে গত ১৫ নৱেম্বৰত গগৈক বাৰ এছ’চিয়েচনে আনুষ্ঠানিকভাৱে বিদায় সম্ভাষণ জনাইছিল। সেই দিনটো আছিল তেওঁৰ অন্তিমটো কৰ্ম দিন। প্ৰসংগক্ৰমে, ২০১৮ চনৰ ৩ অক্টোবৰত তেওঁ দেশৰ মুখ্য ন্যায়াধীশৰ আসনখনত অধিষ্ঠিত হৈছিল।