ASSAM TIMES POST
নতুন দিল্লীঃ সাত হাজাৰ কোটিটকীয়া বেংক জালিয়াতিৰ বিৰুদ্ধে মঙলবাৰে কেন্দ্ৰীয় অনুসন্ধানকাৰী সংস্থা চমুকৈ চিবিআয়ে দেশৰ ১৬৯ টা স্থানত অভিযান চলায়। চিবিআইৰ এগৰাকী জ্যেষ্ঠ বিষয়াই সদৰী কৰা অনুসৰি, অন্ধ্ৰ প্ৰদেশ, চণ্ডীগড়, দিল্লী, গুজৰাট, হাৰিয়ানা, কৰ্ণাটক, কেৰেলা, মধ্য প্ৰদেশ, মহাৰাষ্ট্ৰ, পাঞ্জাৱ, তামিলনাডু, তেলেংগানা, উত্তৰ প্ৰদেশ, উত্তৰাখণ্ড, দাদৰা আৰু নগৰ হাভেলীত এই অভিযান চলে। তেওঁ লগতে কয় যে উক্ত ৭ হাজাৰ কোটিটকীয়া বেংক জালিয়াতি সম্পৰ্কত ৩৫ টা গোচৰ ৰুজু হৈছিল। অৱশ্যে, তেওঁ ইয়াত জড়িত বেংক আৰু ব্যক্তিসকলৰ নাম ৰাজহুৱা কৰাৰপৰা বিৰত থাকে। উল্লেখ্য যে যোৱা দুটা মাহে চিবিআয়ে এনে অভিযান চলাই আহিছে।
